Акафист Страстям Христовым читается во время великопостного богослужения, называемого «пассия».

Пассия – это особый чин службы воспоминаний гефсиманских и голгофских страданий нашего Господа и Спасителя Иисуса Христа.

По акафисте читается Евангелие, повествующее о страстях Христовых, откуда и явилось название пассии (лат. раssiо – страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. В нем с благоговейным трепетом говорится о страданиях и мучениях Невинного – за грешных, Чистого – за нечистых, Сына Божия – за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам:

«Бдите и молитесь, да не внидете в напасть» (Мф. 26, 41).

Акафист Божественным Страстям Христовым (с ударениями) — версия для печати

Молитва ко Господу Иисусу распятому
Молитва иная ко Господу Иисусу распяту

Акафист Божественным Страстям Христовым

Кондак 1

Взбра́нный Воево́до и Го́споди Небесе́ и земли́, Тебе́, Царя́ Безсме́ртнаго, зря́ на Кресте́ ви́сяща, вся тварь измени́ся, не́бо ужасе́ся, основа́ния земли́ восколеба́шася. Мы же, недосто́йнии, благода́рственное поклоне́ние Твоему́ нас ра́ди страда́нию принося́ще, с разбо́йником вопие́м Ти: Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Икос 1

Ангелов ликостоя́ния восполня́я, не от Ангел восприя́л еси́, но мене́ ра́ди, Бог сый, челове́к быв, челове́ка, грех ра́ди уме́рша, животворя́щим Те́лом и Кро́вию Твое́ю оживи́л еси́, те́мже, толи́цей любви́ Твое́й благода́рни су́ще, вопие́м Ти:
Иису́се Бо́же, Любы́ Предве́чная, та́ко о нас земноро́дных возблаговоли́вый;
Иису́се, ми́лосте безме́рная, к челове́ком па́дшим до́лу низше́дый.
Иису́се, в плоть на́шу оболки́йся и сме́ртию Свое́ю сме́рти держ́аву разруши́вый;
Иису́се, Боже́ственными Твои́ми Та́инами нас обожи́вый.
Иису́се, страда́ньми и Кресто́м Твои́м весь мир искупи́вый;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 2

Виде́в Тя Ангел в вертогра́де Гефсима́нстем до по́та крова́ва в моли́тве подвиза́ющася, предста́в укрепля́ше Тя, егда́ я́ко бре́мя тя́жкое греси́ на́ши отяготе́ша на Тебе́: Ты бо, Ада́ма поги́бшаго на ра́мо восприи́м, Отцу́ предста́вил еси́, прекло́нь коле́на моля́ся. О сем у́бо с ве́рою и любо́вию пою́ Тебе́: Аллилу́иа.

Икос 2

Ра́зума неразуме́нна во́льнаго Твоего́ страда́ния не уразуме́ша иуде́е: сего́ ра́ди егда́ в нощи́ со свети́льники и́щущим Тя рекл еси́: Аз есмь; а́ще и падо́ша на земли́, но по сем связа́вше Тя, ведо́ша на суди́ще: мы же на сем пути́, припа́дающе к Тебе́, с любо́вию зове́м:
Иису́се, Све́те ми́ра, от ми́ра лука́ваго возненави́денный;
Иису́се, живы́й во Све́те Непресту́пнем, от о́бласти те́мныя я́тый.
Иису́се, Сы́не Бо́жий Безсме́ртный, от сы́на поги́бели на смерть указа́нный;
Иису́се, в Не́мже льсти несть, от преда́теля ле́стию лобза́нный.
Иису́се, ту́не Себе́ всем подава́яй, за сребре́нники прода́нный;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 3

Си́лою Божества́ Твоего́ проре́кл еси́ трикра́тное отверже́ние ученику́. Он же посе́м, а́ще и отрече́ся Тебе́ с кля́твою, оба́че, егда́ узре́ Тя во дворе́ архиере́йстем, Го́спода своего́ и Учи́теля, умили́вся се́рдцем, изше́д вон пла́кася го́рько: «При́зри у́бо и на мя, Го́споди, и порази́ жесто́кое се́рдце мое́, да слеза́ми мои́ми омы́ю грехи́ моя́, поя́ Тебе́: Аллилу́иа».

Икос 3

Име́яй вои́стинну власть по чи́ну Мелхиседе́кову, я́ко Архиере́й во ве́ки, стал еси́ пред беззако́нным первосвяще́нником Каиа́фою, Влады́ка и Госпо́дь всех; от Твои́х у́бо рабо́в прия́вый муче́ние, приими́ от нас сицева́я:
Иису́се безце́нный, це́ною ку́пленный, стяжи́ мя в Твое́ ве́чное насле́дие;
Иису́се, жела́ние всех, от Петра́ стра́ха ра́ди отве́рженный, не отве́ржи мя, грешна́го.
Иису́се, Агнче незло́биве, от лю́тых ве́прей терза́емый, изми́ мя от враг мои́х;
Иису́се Архиере́ю, Свое́ю Кро́вию вше́дый во Свята́я Святы́х, очисти́ мя от скверн пло́тских.
Иису́се свя́занный, име́яй власть вяза́ти и реши́ти, разреши́ моя́ тя́жкая прегреше́ния;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 4

Бу́рею христоуби́йства ды́шуще иуде́е, послу́шавше глас отца́ лжи и человекоуби́йцы искони́, диа́вола, отверго́ша Тебе́, пра́вый Путь, Истину и Живо́т; мы же Тя, Хри́ста, Бо́жию си́лу, в Не́мже вся сокро́вища прему́дрости и ра́зума сокрове́на cуть, испове́дующе, вопие́м: Аллилу́иа.

Икос 4

Слы́ша Пила́т кро́ткия Твоя́ глаго́лы, а́ки досто́йнаго сме́рти предаде́ Тя на пропя́тие, а́ще и сам свиде́тельствоваше, я́ко ни еди́ныя вины́ обре́те в Тебе́: ру́це у́бо свои́ умы́, но се́рдце оскверни́: мы же, чудя́щеся та́йне во́льнаго страда́ния Твоего́, со умиле́нием зове́м:
Иису́се, Сы́не Бо́жий и Сы́не Де́вы, от сыно́в беззако́ния уму́ченный;
Иису́се, пору́ганный и обнаже́нный, дая́й ле́поту кри́ном се́льным и одева́яй не́бо о́блаки.
Иису́се, насыще́нный ра́нами, пятию́ хле́бы пять ты́сящ насы́тивый;
Иису́се, Царю́ всех, вме́сто да́ни любве́ и благодаре́ния жесто́кия му́ки прие́мый.
Иису́се, нас ра́ди весь день я́звленный, уврачу́й я́звы душ на́ших;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 5

Богото́чною Кро́вию Твое́ю весь обле́клся еси́, одея́йся све́том, я́ко ри́зою. Вем, вои́стинну вем со проро́ком, почто́ червле́ны ри́зы Твоя́: аз, Го́споди, аз грехми́ мои́ми уязви́х Тя; Тебе́ у́бо, мене́ ра́ди уя́звленному, благода́рственно зову́: Аллилу́иа.

Икос 5

Прови́дев Тя в ду́се Богоглаго́ливый Иса́иа, безче́стием и ра́нами испо́лнена, ужа́сся вопия́ше: «Ви́дехом Его́, и не име́яше ви́да, ни добро́ты». Мы же, зря́ще Тя на Кресте́, с ве́рою и удивле́нием зове́м:
Иису́се, безче́стие терпя́й, челове́ка сла́вою и че́стию венча́вый;
Иису́се, на Него́же Ангелы зре́ти не мо́гут, по лани́тома зауше́нный.
Иису́се, по главе́ тро́стию ударе́нный, преклони́ во смире́ние главу́ мою́;
Иису́се, све́тлая Твоя́ очеса́ кро́вию омраче́нная име́вый, отврати́ очи́ моя́, е́же не ви́дети суеты́.
Иису́се, от ног до главы́ не име́вый це́лости, всего́ це́ла и здра́ва сотвори́ мя;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 6

Пропове́дник Твоего́ незло́бия я́влься Пила́т, показа́ наро́ду ничто́же бы́ти в Тебе́ досто́йно сме́рти; но иуде́е, я́ко зве́ри ди́вии кровь узре́вше, скрежета́ху на Тя зубы́ свои́ми, «распни́, распни́ Его́», вопию́ще; мы же, лобыза́юще пречи́стыя я́звы Твоя́, зове́м: Аллилу́иа.

Икос 6

Возсия́л еси́ в позо́р и удивле́ние Ангелом и челове́ком глаго́лющу о Тебе́ Пила́ту: «Се, челове́к». Прииди́те у́бо, пору́ганному нас ра́ди Иису́су поклони́мся, вопию́ще:
Иису́се, Тво́рче и Судие́ всех, от тва́ри Своея́ суди́мый и му́чимый;
Иису́се, прему́дрости Пода́телю, отве́та безу́мным не да́вый.
Иису́се, Врачу́ уя́звленных грехми́, даждь ми врачевство́ покая́ния;
Иису́се, Па́стырю пораже́нный, порази́ бесо́в, искуша́ющих мя.
Иису́се, плоть имы́й сокруше́нну, сокруши́ се́рдце мое́ стра́хом Твои́м;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 7

Хотя́й челове́ка от рабо́ты вра́жия изба́вити, смири́л еси́ Себе́ пред враги́ Твои́ми, Иису́се, и, я́ко а́гнец безгла́сен на заколе́ние веде́н был еси́, везде́ я́звы терпя́й, да всего́ исцели́ши челове́ка, зову́ща: Аллилу́иа.

Икос 7

Ди́вное показа́л еси́ долготерпе́ние, егда́ во́ини, руга́ющеся Тебе́, по глаго́лу непра́веднаго судии́, люте́йшими ра́нами уязвля́ху Пречи́стое Те́ло Твое́, я́ко обагри́тися ему́ от ног до главы́ кро́вию. Сего́ ра́ди со слеза́ми вопие́м Ти:
Иису́се человеколюби́вый, от челове́к те́рнием увенча́нный;
Иису́се, Божество́м безстра́стный, стра́сти терпя́й, да нас от страсте́й свободи́ши.
Иису́се, Спа́се мой, спаси́ мя, пови́ннаго всем му́кам;
Иису́се, все́ми оста́вленный, Утвержде́ние мое́, утверди́ мя.
Иису́се, от всех оскорбле́нный, Ра́досте моя́, возвесели́ мя;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 8

Ди́вно и стра́нно яви́стася Тебе́ Моисе́й и Илиа́ на Фаво́ре, глаго́люща о исхо́де Твое́м, его́же ны́не скончава́еши во Иерусали́ме. Та́мо у́бо ви́девша сла́ву Твою́, зде же спасе́ние на́ше узре́вша, зову́т: Аллилу́иа.

Икос 8

Везде́ от иуде́й гони́мый, мно́гия, ра́ди мно́жества грехо́в мои́х, претерпе́л еси́ поноше́ния и му́ки: еди́ни бо Тя проти́вна бы́ти ке́сарю глаго́лют, друзи́и я́ко злоде́я осужда́ют, ини́и же: «Возми́, возми́ и распни́», – вопию́т. От всех у́бо осужде́нному, и на пропя́тие ведо́мому, Тебе́, Го́споду, из глубины́ души́ глаго́лем:
Иису́се, непра́ведно осужде́нный, Судие́ наш, не осуди́ нас по дело́м на́шим;
Иису́се, изнемога́яй на пути́ под Кресто́м, си́ло моя́, в час ско́рби и озлобле́ния моего́ не оста́ви мене́.
Иису́се, взыва́яй о по́мощи к Отцу́, Подвигополо́жниче мой, в не́мощи мое́й укрепи́ мя;
Иису́се, безче́стие прие́мый, Сла́во моя́, от Сла́вы Твоея́ не отри́ни мене́.
Иису́се, Образе пресве́тлыя Ипоста́си Отчия, преобрази́ мое́ нечи́стое и мра́чное житие́;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 9

Все естество́ смяте́ся, зря Тебе́ на Кресте́ пове́шена, на небеси́ солнце́ лучи́ своя́ скры, земля́ потрясе́ся, заве́са хра́ма раздра́ся, каме́ние распаде́ся, ад уме́ршия изве́рже: мы же покланя́емся на ме́сте, иде́же стоя́сте пречи́стеи но́зе Твои́, пою́ще: Аллилу́иа.

Икос 9

Вети́я многовеща́нныя, а́ще и мно́го глаго́лют, но не мо́гут досто́йнаго благодаре́ния возда́ти Боже́ственным страсте́м Твои́м, Человеколю́бче: на́ша же душа́ и те́ло, се́рдце и вси соста́вы со умиле́нием к Тебе́ взыва́ют:
Иису́се, пригвожде́йся на Кресте́, пригвозди́ и упраздни́ рукописа́ние грехо́в на́ших;
Иису́се, ру́це со Креста́ простира́яй ко всем, привлецы́ и мя, заблу́дшаго.
Иису́се, Две́ре овца́м, в ре́бра прободе́нный, введи́ мя я́звами Твои́ми в черто́г Твой;
Иису́се, пло́тию распя́тый, распни́ плоть мою́ со страстьми́ и похотьми́.
Иису́се, скончава́яйся в му́ках, даждь ми, да се́рдце мое не су́дит и́но что ве́дети, то́чию Тебе́ ра́спята;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 10

Спасти́ хотя́й мир, слепы́х, хромы́х, прокаже́нных, немы́х и глухи́х исцели́л еси́, духо́в лука́вых отгна́л еси́; неразу́мнии же иуде́е, зло́бою ды́шуще и за́вистию му́чими, пригвозди́ша Тя ко Кресту́, не ве́дуще пе́ти: Аллилу́иа.

Икос 10

Царю́ Преве́чный, Иису́се, весь стра́ждеши за мое́ невоздержа́ние, да всего́ мя чи́ста сотвори́ши, во всем обра́з нам подая́й, да после́дуем стопа́м Твои́м, зову́ще:
Иису́се, Любы́ неизсле́димая, распе́ншим Тя греха́ не поста́вивый;
Иису́се, с во́плем кре́пким и со слеза́ми в вертогра́де моля́йся, научи́ и нас моли́тися.
Иису́се, вся проро́чествия о Тебе́ испо́лнивый, испо́лни во благи́х жела́ния се́рдца на́шего;
Иису́се, дух Твой в ру́це Отцу́ преда́вый, в час исхо́да моего́ приими́ дух мой.
Иису́се, ри́зы Твоя́ раздели́ти не возбрани́вый, кро́тко ду́шу мою́ от те́ла отдели́;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 11

Пе́ние всеумиле́нное приноша́ше Тебе́ Всенепоро́чная Ма́терь Твоя́, глаго́лющи: «Аще и стра́ждеши на Кресте́, но вем Тя, из чре́ва пре́жде денни́цы от Отца́ рожде́нна, ви́жду бо, я́ко тварь вся состра́ждет Тебе́; предае́ши дух Твой Отцу́, и Мой дух приими́ и не оста́ви Мене́, зову́щую: Аллилу́иа».

Икос 11

Яко светоприе́мная свеща́, у Креста́ Твоего́ горя́ще любо́вию к Тебе́, и Ма́тернею Де́ва Пренепоро́чная обдержа́шеся боле́знию, заходя́щу Тебе́ во гроб и́стинному Со́лнцу Пра́вды, с Не́юже и се́рдца на́шего моли́твы приими́ сицевы́я:
Иису́се, вознесы́йся на дре́во, да нас, па́дших, совознесе́ши ко Отцу́ Своему́;
Иису́се, де́вственнику Присноде́ву в Ма́терь дарова́вый, да нас де́вству и чистоте́ научи́ши.
Иису́се, Тебе́, Бо́га Сло́ва ро́ждшей, ученика́ Богосло́ва вручи́вый, вручи́ и нас всех Ея́ Ма́тернему заступле́нию;
Иису́се, ми́ра и а́да Победи́телю, победи́ неве́рие, го́рдость жите́йскую и по́хоть оче́с, в нас живу́щия.
Иису́се, сме́рти держа́вы разруши́телю, ве́чныя сме́рти изба́ви мя;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 12

Благода́ть Твою́ пода́ждь мне, Иису́се, Бо́же мой, приими́ мя, я́коже прия́л еси́ Ио́сифа с Никоди́мом, да, я́ко чи́стую плащани́цу, ду́шу мою́ принесу́ Тебе́ и воня́ми доброде́телей пома́жу пречи́стое те́ло Твое́, и, я́ко во гро́бе, в сердце́ мое́м име́ю Тя, зовы́й: Аллилу́иа.

Икос 12

Пою́ще Твое́ во́льное распя́тие, покланя́емся страсте́м Твои́м, Христе́, ве́руем с со́тником, я́ко вои́стинну Бо́жий Сын еси́, приити́ име́яй на о́блацех с си́лою и сла́вою мно́гою; тогда́ у́бо не посрами́ нас, Кро́вию Твое́ю искупле́нных и та́ко вопию́щих:
Иису́се многострада́льный, ры́данием Де́вы Ма́тере Твоея́ ве́чнаго пла́ча исхити́ ны;
Иису́се, от всех оста́вленный, не остави́ мя еди́наго в час сме́рти моея́.
Иису́се, с Магдали́ною нога́м Твои́м каса́ющася, приими́ мя;
Иису́се, с преда́телем и распе́ншими Тя не осуди́ мене́.
Иису́се, с разбо́йником благоразу́мным в рай введи́ мя;
Иису́се, Сы́не Бо́жий, помяни́ нас, егда́ прии́деши во Ца́рствии Твое́м.

Кондак 13

О Иису́се Христе́, Агнче Бо́жий, взе́мляй грехи́ ми́ра, приими́ ма́лое сие́ от всея́ души́ на́шея приноси́мое Тебе́ благодаре́ние и исцели́ ны спаси́тельными Твои́ми страда́ньми от вся́кия боле́зни душе́вныя и теле́сныя, огради́ ны Кресто́м Твои́м от враг ви́димых и неви́димых и при кончи́не живота́ на́шего не оста́ви нас, да сме́ртию Твое́ю изба́вльшеся ве́чныя сме́рти, вы́ну зове́м Тебе́: Аллилу́иа.

(Этот кондак читается трижды, затем икос 1 и кондак 1)

Молитва ко Господу Иисусу распятому

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

Молитва иная ко Господу Иисусу распяту

Го́споди Иису́се Христе́, Сы́не Бо́га жива́го, Тво́рче не́ба и земли́, Спаси́телю ми́ра, се аз, недосто́йный и па́че всех грешне́йший, смире́нно коле́на се́рдца моего́ пред сла́вою вели́чества Твоего́ преклони́в, воспева́ю крест и страда́ния Твоя́, и благодаре́ние Тебе́, Царю́ всех и Бо́гу, приношу́, я́ко благоизво́лил еси́ вся труды́ и вся́кия беды́, напа́сти и муче́ния, я́ко челове́к, понести́, да всем нам во вся́ких печа́лях, ну́ждах и озлобле́ниих состра́ждущий Помо́щник и Спаси́тель бу́деши. Вем, всеси́льне Влады́ко, я́ко вся сия́ Тебе́ у́бо не бы́ша потре́бна, но челове́ческаго ра́ди спасе́ния, да всех нас иску́пиши от лю́тыя рабо́ты вра́жия, Крест и страда́ния претерпе́л еси. Что у́бо возда́м Тебе́, человеколю́бче, о всех, я́же пострада́л еси́ мене́ ра́ди гре́шнаго; не вем, душа́ бо и те́ло, и вся блага́я от Тебе́ суть, и вся моя́ Твоя́ суть, и аз Твой есмь. То́чию на безчи́сленное Твое́, благоутро́бне Го́споди, милосе́рдие наде́яся, пою́ Твое́ неизрече́нное долготерпе́ние, велича́ю неисповеди́мое истоща́ние, сла́влю Твою́ безме́рную ми́лость, покланя́юся пречи́стым Страсте́м Твои́м и, вселюбе́зно лобыза́я я́звы Твоя́, вопию́: поми́луй мя гре́шнаго, и сотвори́, да не безпло́ден бу́дет во мне Крест Твой святы́й, да причаща́яся зде с ве́рою страда́ниям Твои́м, сподо́блюся ви́дети и сла́ву Ца́рствия Твоего́ на небеси́! Ами́нь.

Кондак 1

Непереможний Воєводо і Господи небес і землі, тебе, Царя Безсмертного, бачачи на хресті розіп’ятим, все творіння змінилося, небо вжахнулося, основи землі захиталися; ми ж, недостойні, подячне поклоніння Твоєму нас ради стражданню приносимо, з розбійником взиваємо до Тебе: Ісусе, Сину Божий, пом’яни нас, коли прийдеш, у Царстві Твоїм.

Ікос 1

Ангелів чиностояння доповнюючи, не від ангелів прийняв Ти, але мене ради, будучи Богом, став Людиною; людину, яка померла за гріхи, животворчим Тілом і Кров’ю Твоєю оживив Ти;тому такій любові Твоїй вдячні співаємо Тобі:
Ісусе Боже, любове предвічна, що так про нас зем нородних благозволив.
Ісусе, милосте безмірна, Ти до людей упалих на землю прийшов.
Ісусе, Ти в плоть нашу зодягнувся і смертю Своєю смерті державу зруйнував.
Ісусе, Ти Божественними Твоїми тайнами нас обожнив.
Ісусе, Ти стражданнями і хрестом Твоїм весь світ відкупив.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 2

Бачив Тебе Ангел у саду Гефсиманському, що до поту кривавого в молитві подвизався, при­ступив, укріплюючи Тебе, коли, як тягар важ­кий, гріхи наші обтяжили Тебе, Ти бо Адама загиблого, на плечі взявши, перед Отцем поста­вив і, схиливши коліна, молився. За це з вірою і любов’ю співаю Тобі: алилуя.

Ікос 2

Розуму незбагненного, вільного Твого стра­ждання не зрозуміли юдеї; тому, коли Ти сказав тим, що шукали Тебе вночі зі світильниками: «Я є», вони хоч і впали на землю, але потім зв’язали Тебе і повели на судилище. Ми ж на цьому шляху припадаємо до Тебе, з любов’ю взи­ваючи:
Ісусе, Світло для світу, світом лукавим знена­виджений.
Ісусе, що живеш у світлі неприступному, людь­ ми темряви взятий.
Ісусе, Сину Божий безсмертний, сином загиб­ лим на смерть виданий.
Ісусе, в якому лестощів немає, облесливим цілуванням зрадника виданий.
Ісусе, що задарма Себе всім подаєш, за срібни­ ки проданий.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 3

Силою Божества Твого Ти прорік триразове відречення ученику; він же після цього, хоч і відрікся від Тебе з клятвою, однак коли поба­чив у дворі архієрейському Господа Свого і Учи­теля, розчулився серцем, вийшов і гірко плакав. Поглянь і на мене, Господи, і скруши жор­стоке серце моє, щоб сльозами моїми обмив гріхи мої, співаючи Тобі: алилуя.

Ікос 3

Маючи воістину владу за чином Мельхіседековим, як Архієрей навіки, став Ти перед беззаконним первосвящеником Каяфою, Владика і Господь усіх; від Твоїх рабів прийнявши стра­ждання, прийми ж від нас моління таке:
Ісусе безцінний, ціною куплений, придбай нас у Твій вічний спадок.
Ісусе, бажання всіх, Петром через страх відки­ нутий, не відкинь мене грішного.
Ісусе, Агнче незлобний, лютими звірами му­ чений, визволи мене від ворогів моїх.
Ісусе, Архієрею, що Своєю кров’ю увійшов у Святеє святих, очисти мене від скверн плотсь­ ких.
Ісусе, зв’язаний, що маєш владу зв’язувати і розрішати, розріши мої тяжкі провини.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 4

Бурею христовбивства дихаючи, юдеї послу­хали голосу отця неправди і людиновбивці від початку, диявола, відкинули Тебе, праву путь, істину і життя; ми ж Тебе, Христа, Божу силу, в Якому всі скарбниці премудрості і розуму утає­мничені є, сповідуючи, взиваємо: алилуя.

Ікос 4

Пілат, слухаючи лагідні Твої слова, як дос­тойного смерті видав Тебе на розп’яття, хоч і сам засвідчив, що жодної провини не знайшов у Тобі, руки свої умив, але серце осквернив. Ми ж, дивуючись таїні вільного Твого страждання, з розчуленням взиваємо:
Ісусе, Сину Божий і Сину Діви, синами безза­коння мучений.
Ісусе, нагий і покривджений, Ти даєш красу квітам польовим і зодягаєш небо хмарами.
Ісусе, насичений ранами, Ти п’ятьма хлібами п’ять тисяч народу наситив.
Ісусе, Царю всіх, замість любові і подяки жор­ стокі муки прийняв Ти.
Ісусе, нас ради весь день ранами мучений, зціли рани душ наших.

Ісусе, Сину Божий, пом’яни нас, коли при­ йдеш, у Царстві Твоїм.

Кондак 5

Боготочною кров’ю Твоєю весь зодягнувся Ти, що зодягаєшся світлом як ризою. Знаю, воістину знаю з пророком, чому закривавлені ризи Твої: я, Господи, я гріхами моїми уранив Тебе; Тобі, ради нас ураненому, подячно взи­ваю: алилуя.

Ікос 5

Передбачив Тебе в Дусі богонатхненний Ісая, безчестям і ранами ураженого, і, вжахнувшись, взивав: бачив Його, і не мав Він ні вигляду, ні доброти. Ми ж, бачачи Тебе на хресті, з вірою і здивуванням взиваємо:
Ісусе, що безчестя терпів, людину славою і честю увінчав Ти.
Ісусе, на Якого ангели дивитись не можуть, по лицю битий; Ісусе, по голові тростиною вда­рений, прихили до смирення главу мою.
Ісусе, світлі Твої очі кров’ю затьмарені мав, відверни очі мої, щоб вони не бачили суєти.
Ісусе, від ніг до голови уранений, усього мене здоровим сотвори.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 6

Проповідником Твоєї незлобливості став Пілат, показавши народу, що нічого немає в Тобі до­стойного смерті, але юдеї, як звірі дикі, кров побачивши, скреготали зубами своїми: «Розіп­ни, розіпни Його!» — кричали. Ми ж, цілуючи пречисті рани Твої, взиваємо: алилуя.

Ікос 6

Засяяв Ти на видовище і здивування ангелів і людей, коли Пілат говорив про Тебе: ось Чо­ловік. Тому прийдіть, нас ради зневаженому Ісусу поклонімось, взиваючи:
Ісусе, Творче і Судде всіх, від творіння Свого засуджений і мучений.
Ісусе, премудрості Подателю, Ти відповіді бе­ зумним не дав.
Ісусе, Лікарю уранених гріхами, дай мені ліку­ вання покаянням.
Ісусе, Пастирю вражений, урази бісів, що спо­ кушають мене.
Ісусе, що плоть мав уранену, скруши серце моє страхом Твоїм.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 7

Бажаючи людину від неволі ворожої визволи­ти, смирив Ти Себе перед ворогами Своїми, Ісусе, і як Агнець безмовний на заколення ведений був, усюди рани терпів Ти, щоб усю зцілити людину, яка взиває: алилуя.

Ікос 7

Дивне показав Ти довготерпіння, коли воїни знущалися над Тобою, за словом неправедного судді, і найтяжчими ранами вражали пречисте Тіло Твоє, яке обагрилося з ніг до голови. Зара­ди цього зі сльозами взиваємо до Тебе:
Ісусе Чоловіколюбний, від людей терням уві­ нчаний.
Ісусе, Божеством безстрасний, страсті терпів, щоб нас від страстей визволити.
Ісусе, Спасе мій, спаси мене повинного всім мукам.
Ісусе, всіма залишений, твердине наша, утверди нас.
Ісусе, всіма зневажений, радосте моя, звесели мене.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 8

Дивно і чудно з’явилися перед Тобою Мойсей та Ілля на Фаворі, говорячи про страждання Твої, що нині звершуються в Єрусалимі; там, побачивши славу Твою, а тут — спасіння наше, взивали: алилуя.

Ікос 8

Усюди юдеями гнаний, багато через многі гріхи мої перетерпів Ти ганьби і мук, бо одні Тебе противником кесаря називають, другі як злодія засуджують, а інші ж: «Візьми, візьми і розіпни!» — викрикують. Всіма осудженому і на розп’яття веденому, Тобі Господу із глибини душі взиваємо:
Ісусе, неправедно осуджений, Судде наш, не осуди нас за ділами нашими.
Ісусе, що знемагав на путі під хрестом, сило наша, в час скорботи і озлоблення мого не за­ лиш мене.
Ісусе, що взивав про допомогу до Отця, Под вигоположнику мій, в немочі моїй укріпи мене.
Ісусе, що безчестя прийняв, славо моя, від сла­ ви Твоєї не відкинь мене.
Ісусе, образе пресвітлої іпостасі Отчої, преоб рази моє нечисте і скверне життя.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 9

Все живе затремтіло, бачачи Тебе на хресті розіп’ятого; на небі сонце проміння своє схова­ло, земля затряслася, завіса храму розірвалася, каміння розпалося, померлі воскресли; ми ж по­клоняємося на місці, де стояли пречисті ноги Твої, співаючи: алилуя.

Ікос 9

Красномовці велемовні, хоч і багато промов­ляють, але не можуть достойної подяки віддати божественним страстям Твоїм, Чоловіколюбче, наша ж душа і тіло, серце і вся істота зі зворуш­ливістю до Тебе взивають:
Ісусе, що розіп’явся на хресті, розіпни і розір­ви рукописання гріхів наших.
Ісусе, що руки з хреста простягуєш до всіх, знайди і мене заблудлого.
Ісусе, двері вівцям, у ребра проколений, вве­ ди мене ранами Твоїми в оселі Твої.
Ісусе, плоттю розіп’ятий, розіпни плоть мою з пристрастями і похіттю.
Ісусе, що помер у муках, подай мені, щоб сер­ це моє не бачило нічого, крім Тебе розіп’ятого.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 10

Бажаючи спасти світ, сліпих, кривих і прока­жених, німих і глухих зцілив Ти, духів лукавих відігнав Ти; нерозумні ж юдеї, злобою дихаючи, мучені заздрістю, розіп’яли Тебе на хресті, не знаючи співати: алилуя.

Ікос 10

Царю Предвічний, Ісусе, Ти страждаєш за мою нестриманість, щоб усього мене чистим зроби­ти, в усьому образ нам подаєш, щоб ми, прямую­чи стопами Твоїми, взивали:
Ісусе, любове недослідима, тим, що розіп’яли Тебе, у гріх не поставив.
Ісусе, що з воланням сильним і зі слізьми в саду молився, навчи і нас молитися.
Ісусе, що всі пророцтва про Себе здійснив, здійсни і добрі бажання серця нашого.
Ісусе, що дух Твій у руки Отцю віддав, у час відходу мого прийми дух мій.
Ісусе, що ризи Твої розділити не заборонив, лагідно душу мою від тіла відділи.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 11

Співи зворушені приносячи Тобі, всенепорочна Матір Твоя до Тебе промовляла: хоч і стра­ждаєш на хресті, але знаю Тебе, що Ти із лона перше денниці від Отця народжений, бо бачу, як все творіння співчуває Тобі. Віддаючи Дух Твій Отцю, і Мій дух прийми і не залиш мене, що взиваю до Тебе: алилуя.

Ікос 11

Як яскрава свічка, біля хреста Твого, запале­на любов’ю до Тебе і материнським пройнята болем, Діва пренепорочна бачила Тебе, істинне Сонце правди, що заходило в гріб, з Нею ж і сердець наших прийми такі моління:
Ісусе, вознесений на хрест, щоб нас упалих вознести з Собою до Отця Свого.
Ісусе, що дівственнику Приснодіву як Матір дарував, щоб нас дівства і чистоти навчити.
Ісусе, Тій, що Тебе Бога Слово народила, уче ника богослова Ти всиновив, усинови і нас її материнському заступництву.
Ісусе, світу і пекла Переможцю, подолай не­ вірство, гордовитість житейську і похіть очей, що в нас живуть.
Ісусе, що смерті владу зруйнував, від вічної смерті визволи мене.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 12

Благодать Твою подай мені, Ісусе, Боже мій, прийми мене, як прийняв Ти Йосифа з Никодимом, і я, як чисту плащаницю, душу мою прине­су Тобі і пахощами чеснот намащу пречисте Тіло Твоє, і, як у гробі, в серці моєму буду мати Тебе, взиваючи: алилуя.

Ікос 12

Оспівуючи Твоє вільне розп’яття, поклоняємо­ся страстям Твоїм, Христе, віруємо з сотником, що воістину Ти Божий Син і прийти маєш на хмарі з силою і славою великою; тоді не осором нас, що кров’ю Твоєю викуплені і так співаємо:
Ісусе багатостраждальний, риданням Діви Ма­ тері Твоєї від вічного плачу визволи нас.
Ісусе, всіма залишений, не залиш мене са­ мотнім у час кончини моєї.
Ісусе, з Магдалиною, що до ніг Твоїх доторка­ лася, прийми мене.
Ісусе, зі зрадником і тими, хто розпинав Тебе, не засуди мене.
Ісусе, з розбійником благорозумним у рай вве­ ди мене.
Ісусе, Сину Божий, пом’яни нас, коли при­ йдеш, у Царстві Твоїм.

Кондак 13

О Ісусе Христе, Агнче Божий, що взяв гріхи світу, прийми малу цю від усієї душі нашої по­дяку, що приносимо Тобі, і зціли нас спасительними Твоїми стражданнями від усякої болісті душевної і тілесної, охорони нас хрестом Твоїм від ворогів видимих і невидимих, і при кончині життя нашого не залиш нас, щоб, смертю Твоєю визволившись від вічної смерті, завжди взива­ли Тобі: алилуя.
Цей кондак читається тричі. Після цього знову читаються перший ікос і перший кондак.

Молитва до Господа Ісуса розіп’ятого

На Хресті розіп’ятий за нас, Ісусе Христе, Єдинородний Бога Отця Сину, милості, любові і щед­рот невичерпне джерело! Знаю, що ради моїх гріхів від невимовного чоловіколюбства Кров Свою пролити на хресті зволив Ти, яку я, ока­янний і невдячний, дотепер скверними моїми ділами зневажав і ні в що ставив, тому із гли­бини беззаконня і нечистоти моєї очима серця на Тебе, розіп’ятого на Хресті Визволителя на­шого, поглянувши, зі смиренням і вірою в гли­бину ран, Твого милосердя сповнених, себе віддаю, гріхів прощення і скверного життя мого виправлення благаю. Милостивим будь до мене, Владико і Суддя мій, не відкинь мене від лиця Твого, але всесильною Твоєю рукою Сам мене до Себе наверни і на шлях істинного покаяння направ, щоб віднині поклав спасіння мого поча­ток. Божественними стражданнями Твоїми вти­хомир мої плотські пристрасті; пролитою Твоєю Кров’ю очисти мої душевні скверни; розп’яттям Твоїм розіпни мене для світу цього з його споку­сами та похотями; хрестом Твоїм охорони мене від невидимих ворогів, що шукають душу мою; проколеними ногами Твоїми від усякої дороги лукавої збережи ноги наші, проколеними рука­ми Твоїми руки мої від усякого невгодного Тобі діла утримай; розіп’ятою плоттю розіпни стра­хові Твоєму плоть мою, щоб, ухилившись від зла, творив благо перед Тобою. Ти, що голову на хресті схилив, схили до смирення вознесену мою гординю. Вінцем Твоїм терновим охорони вуха мої, щоб вони не слухали непотребного. Ти, що жовч устами спожив, постав охорону нечистим устам нашим. Проколене списом маючи серце, серце чисте сотвори в мені; всіма Твоїми рана­ми всього мене любов’ю Твоєю порань, щоб Тебе, Господа мого, полюбити всією душею, всім сер­цем, усією силою і всіма помислами. Дай мені Себе подорожнього, що не маєш де голови при­хилити, дай мені Себе всеблагого, що визволяєш душу мою від смерті, дай мені Себе найсолодшого, що насолоджуєш мене в скорботах і напас­тях Своєю любов’ю. Кого спочатку ненавидів, прогнівляв, від себе відганяв і на хресті розпинав, Того нині полюблю, з радістю прийму і з насолодою хрест Його до кінця життя понесу.
Не дай віднині, о всеблагий Визволителю мій, жодній моїй волі звершитися, бо вона зла і непотребна, щоб знову не впав я в рабство паную­чого в мені гріха. Але Твоя воля блага, спасти мене бажаюча, нехай звершується в мені за­вжди, їй же себе вручаючи, Тебе, розіп’ятого Госпо­да мого, розумними очима серця мого уявляю і молюся із глибини душі, щоб і в час розлучення мого з тілом Тебе єдиного на хресті бачив, що в руки захисту Твого мене приймаєш і від підне­бесних духів злоби оберігаєш, оселяєш же з грішниками, які покаянням Тобі благовгодили. Амінь.

Молитва інша до Господа Ісуса Христа розіп’ятого

Господи Ісусе Христе, Сину Бога Живого, Твор­че неба і землі, Спасителю світу, це я, недостойний і більш за всіх грішний, смиренно коліна серця мого перед славою величі Твоєї схилив­ши, оспівую хрест і страждання Твої і подяку Тобі, Царю всіх і Богу, приношу; бо зволив Ти всі труди і всілякі біди, напасті і муки як люди­на перетерпіти, щоб усім нам у всяких печалях, нужді і озлобленнях помічником і спасителем бути. Знаю, всесильний Владико, що все це Тобі не було потрібно, але заради людського спасін­ня, щоб усіх нас викупити від лютого рабства ворожого, хрест і страждання перетерпів Ти. Чим віддячу Тобі, Чоловіколюбче, за все, що зробив Ти для мене грішного? Не знаю. Душа, тіло і все добре від Тебе є, і все моє Твоє, і я Твій. Тому, на безмірне Твоє благоутробне милосердя, Госпо­ди, надіючись, оспівую Твоє невимовне довго­терпіння, величаю незбагненне приниження, славлю Твою безмірну милість, поклоняюся пречистим страстям Твоїм і з любов’ю, цілуючи рани Твої, взиваю: помилуй мене грішного і зро­би, щоб не безплідним був у мені хрест Твій святий, щоб, причащаючись із вірою страждан­ням Твоїм, сподобився я бачити і славу Царства Твого на небі. Амінь.

Акафист Страстем Христовым

(MP3 файл. Продолжительность 29:43 мин. Размер 14.3 Mb)

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 2

Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.

Икос 2

Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.

Кондак 3

Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».

Икос 3

Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.

Кондак 4

Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.

Икос 4

Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.

Кондак 5

Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.

Икос 5

Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.

Кондак 6

Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.

Икос 6

Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.

Кондак 7

Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.

Икос 7

Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.

Кондак 8

Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.

Икос 8

Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.

Кондак 9

Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.

Икос 9

Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.

Кондак 10

Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.

Икос 10

Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.

Кондак 11

Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».

Икос 11

Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.

Кондак 12

Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.

Икос 12

Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.

Кондак 13

О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.

Этот кондак читается трижды, затем 1-й икос «Ангелов ликостояние…» и 1-й кондак «Взбранный Воеводо…»:

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

МОЛИТВА КО ГОСПОДУ ИИСУСУ РАСПЯТОМУ

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

МОЛИТВА ИНАЯ КО ГОСПОДУ ИИСУСУ РАСПЯТОМУ

Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.

Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).

Версия для печати

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 2

Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.

Икос 2

Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.

Кондак 3

Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».

Икос 3

Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.

Кондак 4

Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.

Икос 4

Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.

Кондак 5

Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.

Икос 5

Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.

Кондак 6

Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.

Икос 6

Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.

Кондак 7

Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.

Икос 7

Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.

Кондак 8

Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.

Икос 8

Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.

Кондак 9

Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.

Икос 9

Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.

Кондак 10

Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.

Икос 10

Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.

Кондак 11

Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».

Икос 11

Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.

Кондак 12

Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.

Икос 12

Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.

Кондак 13

О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.

Этот кондак читается трижды, затем 1-й икос «Ангелов ликостояние…» и 1-й кондак «Взбранный Воеводо…»:

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Кондак 1

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

МОЛИТВА КО ГОСПОДУ ИИСУСУ РАСПЯТОМУ

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

МОЛИТВА ИНАЯ КО ГОСПОДУ ИИСУСУ РАСПЯТОМУ

Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.

Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).

Акафист Страстям Христовым читается во время Великопостного богослужения в память о страданиях Господа нашего Иисуса Христа. Это — торжественный гимн в воспоминание о мучениях Спасителя на Кресте, которые Он вынес по большой любви к людям, даруя нам Спасение. Это — важный момент в отношениях человека и Бога. Господь так возлюбил нас, что отдал Сына Своего Единородного, чтобы Тот искупил наши грехи Своей крестной смретью.

Акафист Страстям Христовым (слушать, смотреть)

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

Икос 1

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Видев Тя Ангел в вертограде Гефсиманстем до пота кровава в молитве подвизающаяся, представ укрепляше Тя, егда яко бремя тяжкое грехи наши отяготеша на Тебе: ты бо, Адама погибшаго на рамо восприим, Отцу представил еси, преклонь колена моляся. О сем убо с верою и любовию пою Тебе: Аллилуиа.

Икос 2

Разума неуразуменна вольнаго Твоего страдания не уразумеша иудее: сего ради егда в нощи со светильники ищущим Тя рекл еси: Аз есмь, аще и падоша на земли, но по сем связавше Тя, ведоша на судище; мы же на сем пути, припадающе к Тебе, с любовию зовем:
Иисусе, Свете мира, от мира лукаваго возненавиденный;
Иисусе, живый во Свете Неприступнем, от области темныя ятый.
Иисусе, Сыне Божий Безсмертный, от сына погибели на смерть указанный;
Иисусе, в Немже льсти несть, от предателя лестию лобзанный.
Иисусе, туне Себе всем подаваяй, за сребреники проданный;
Иисусе, Сыне Божий, помяни нас, егда приидеши во Царствии Твоем.

Силою Божества Твоего прорекл еси трикратное отвержение ученику. Он же посем, аще и отречеся Тебе с клятвою, обаче, егда узре Тя во дворе архиерейстем, Господа своего и Учителя, умилився сердцем, изшед вон плакася горько: «Призри убо и на мя, Господи, и порази жестокое сердце мое, да слезами моими омыю грехи моя, поя Тебе: Аллилуиа».

Икос 3

Имеяй воистинну власть по чину Мелхиседекову, яко Архиерей во веки, стал еси пред беззаконным первосвященником Каиафою, Владыка и Господь всех; от Твоих убо рабов приявый мучение, приими от нас сицевая:
Иисусе безценный, ценою купленный, стяжи мя в Твое вечное наследие;
Иисусе, желание всех, от Петра страха ради отверженный, не отвержи мя, грешнаго.
Иисусе, Агнче незлобиве, от лютых вепрей терзаемый, изми мя от враг моих;
Иисусе, Архиерею, Своею Кровию вшедый во Святая Святых, очисти мя от скверн плотских.
Иисусе связанный, имеяй власть вязати и решити, разреши моя тяжкая прегрешения;
Иисусе, Сыне Божий, помяни нас, егда приидеши во Царствии Твоем.

Бурею христоубийства дышуще иудее, послушавше глас отца лжи и человекоубийцы искони, диавола, отвергоша Тебе, правый Путь, Истину и Живот; мы же Тя, Христа, Божию силу, в Немже вся сокровища премудрости и разума сокровена суть, исповедуя, вопием: Аллилуиа.

Икос 4

Слыша Пилат кроткия Твоя глаголы, аки достойнаго смерти предаде Тя на пропятие, аще и сам свидетельствоваше, яко ни единыя вины обрете в Тебе: руце убо свои умы, но сердце оскверни; мы же, чудящеся тайне вольнаго страдания Твоего, со умилением зовем:
Иисусе, Сыне Божий и Сыне Девы, от сынов беззакония умученный;
Иисусе, поруганный и обнаженный, даяй лепоту крином сельным и одеваяй небо облаки.
Иисусе, насыщенный ранами, пятию хлебы пять тысящ насытивый;
Иисусе, Царю всех, вместо дани любве и благодарения жестокия муки приемый.
Иисусе, нас ради весь день язвленный, уврачуй язвы душ наших;
Иисусе, Сыне Божий, помяни нас, егда приидеши во Царствии Твоем.

Боготочною Кровию Твоею весь облеклся еси, одеяйся светом, яко ризою. Вем, воистинну вем со пророком, почто червлены ризы Твоя: аз, Господи, аз грехами моими уязвих Тя: Тебе убо, мене ради уязвленному, благодарственно зову: Аллилуиа.

Икос 5

Провидев Тя в дусе Богоглаголивый Исаия, безчестием и ранами исполненна, ужасся вопияше: «Видехом Его, и не имеяше вида, ни доброты»; мы же, зряще Тя на Кресте, с верою и удивлением зовем:
Иисусе, безчестие терпяй, человека славою и честию венчавый;
Иисусе, на Негоже Ангели зрети не могут, по ланитома заушенный.
Иисусе, по главе тростию ударенный, преклони во смирение главу мою;
Иисусе, светлая Твоя очеса кровию омраченная имевый, отврати очи моя, еже не видети суеты.
Иисусе, от ног до главы не имевый целости, всего цела и здрава сотвори мя;
Иисусе, Сыне Божий, помяни нас, егда приидеши во Царствии Твоем.

Проповедник Твоего незлобия явлься Пилат, показа народу ничтоже быти в Тебе достойно смерти; но иудее, яко звери дивии кровь узревше, скрежетаху на Тя зубы своими, «распни, распни Его», вопиюще; мы же, лобызающе пречистыя язвы Твоя, зовем: Аллилуиа.

Икос 6

Возсиял еси в позор и удивление Ангелом и человеком глаголющу о Тебе Пилату: «Се, человек». Придите убо, поруганному нас ради Иисусу поклонимся, вопиюще:
Иисусе, Творче и Судие всех, от твари Своея судимый и мучимый;
Иисусе, премудрости Подателю, ответа безумным не давый.
Иисусе, Врачу уязвленных грехами, даждь ми врачевство покаяния;
Иисусе, Пастырю пораженный, порази бесов, искушающих мя.
Иисусе, плоть имый сокрушенну, сокруши сердце мое страхом Твоим;
Иисусе, Сыне Божий, помяни нас, егда приидеши во Царствии Твоем.

Хотяй человека от работы вражия избавити, смирил еси Себе пред враги Твоими, Иисусе, и, яко агнец безгласен на заколение веден был еси, везде язвы терпяй, да всего исцелиши человека, зовуща: Аллилуиа.

Икос 7

Дивное показал еси долготерпение, егда воини, ругающеся Тебе, по глаголу неправеднаго судии, лютейшими ранами уязвляху Пречистое Тело Твое, яко обагритися ему от ног до главы кровию. Сего ради со слезами вопием Ти:
Иисусе человеколюбивый, от человек тернием увенчанный;
Иисусе, Божеством безстрастный, страсти терпяй, да нас от страстей свободиши.
Иисусе, Спасе мой, спаси мя, повиннаго всем мукам;
Иисусе, всеми оставленный, Утверждение мое, утверди мя.
Иисусе, от всех оскорбленный, Радосте моя, возвесели мя:
Иисусе, Сыне Божий, помяни нас, егда приидеши во Царствии Твоем.

Дивно и странно явистася Тебе Моисей и Илия на Фаворе, глаголюща о исходе Твоем, егоже ныне скончаваеши во Иерусалиме. Тамо убо видевша славу Твою, зде же спасение наше узревша, зовут: Аллилуиа.

Икос 8

Везде от иудей гонимый, многия, ради множества грехов моих, претерпел еси поношения и муки: едини бо Тя противна быти кесарю глаголют, друзии яко злодея осуждают, инии же: «Возми, возми и распни», — вопиют. От всех убо осужденному, и на пропятие ведомому, Тебе, Господу, из глубины души глаголем:
Иисусе, неправедно осужденный, Судие наш, не осуди нас по делом нашим;
Иисусе, изнемогаяй на пути под Крестом, сило моя, в час скорби и озлобления моего не остави мене.
Иисусе, взываяй о помощи к Отцу, Подвигоположниче мой, в немощи моей укрепи мя;
Иисусе, безчестие приемый, Славо моя, от Славы Твоея не отрини мене.
Иисусе, Образе Пресветлыя Ипостаси Отчия, преобрази мое нечистое и мрачное житие;
Иисусе, Сыне Божий, помяни нас, егда приидеши во Царствии Твоем.

Все естество смятеся, зря Тебе на Кресте повешена, на небеси солнце лучи своя скры, земля потрясеся, завеса храма раздрася, камение распадеся, ад умерших изверже: мы же покланяемся на месте, идеже стоясте пречистеи нозе Твои, поюще: Аллилуиа.

Икос 9

Ветия многовещанныя, аще и много глаголют, но не могут достойнаго благодарения воздати Божественным страстем Твоим, Человеколюбче: наша же душа и тело, сердце и вси составы, со умилением к Тебе взывают:
Иисусе, пригвождейся на Кресте, пригвозди и упраздни рукописание грехов наших;
Иисусе, руце со Креста простираяй ко всем, привлецы и мя, заблудшаго.
Иисусе, Двере овцам, в ребра прободенный, введи мя язвами Твоими в чертог Твой;
Иисусе, Плотию распятый, распни плоть мою со страстьми и похотьми.
Иисусе, скончаваяйся в муках, даждь ми, да сердце мое не судит ино что ведети, точию Тебе распята;
Иисусе, Сыне Божий, помяни нас, егда приидеши во Царствии Твоем.

Спасти хотяй мир, слепых, хромых, прокаженных, немых и глухих исцелил еси, духов лукавых отгнал еси; неразумнии же иудее, злобою дышуще и завистию мучими, пригвоздиша Тя ко Кресту, не ведуще пети: Аллилуиа.

Икос 10

Царю Превечный, Иисусе, весь страждеши за мое невоздержание, да всего мя чиста сотвориши, во всем образ нам подаяй, да последуем стопам Твоим, зовуще:
Иисусе, Любы неизследимая, распеншим Тя греха не поставивый;
Иисусе, с воплем крепким и со слезами в вертограде моляйся, научи и нас молитися.
Иисусе, вся пророчествия о Тебе исполнивый, исполни во благих желания сердца нашего;
Иисусе, дух Твой в руце Отцу предавый, в час исхода моего приими дух мой.
Иисусе, ризы Твоя разделити не возбранивый, кротко душу мою от тела отдели;
Иисусе, Сыне Божий, помяни нас, егда приидеши во Царствии Твоем.

Пение всеумиленное приношаше Тебе Всенепорочная Матерь Твоя, глаголющи: «Аще и страждеши на Кресте, но вем Тя из чрева прежде денницы от Отца рожденна, вижду бо, яко тварь вся состраждет Тебе; предаеши дух Твой Отцу, и Мой дух приими и не остави Мене, зовущую: Аллилуиа».

Икос 11

Яко светоприемная свеща, у Креста Твоего горяше любовию к Тебе, и Матернею Дева Пренепорочная обдержашеся болезнию, заходящу Тебе во гроб истинному Солнцу Правды, с Неюже и сердца нашего молитвы приими сицевыя:
Иисусе, вознесыйся на древо, да нас, падших, совознесеши ко Отцу Своему;
Иисусе, девственнику Приснодеву в Матерь даровавый, да нас девству и чистоте научиши.
Иисусе, Тебе, Бога Слова рождшей, ученика Богослова вручивый, вручи и нас всех Ея Матернему заступлению;
Иисусе, мира и ада победителю, победи неверие, гордость житейскую и похоть очес, в нас живущия.
Иисусе, смерти державы разрушителю, вечныя смерти избави мя;
Иисусе, Сыне Божий, помяни нас, егда приидеши во Царствии Твоем.

Благодать Твою подаждь мне, Иисусе, Боже мой, приими мя, якоже приял еси Иосифа с Никодимом, да, яко чистую плащаницу, душу мою принесу Тебе и вонями добродетелей помажу Пречистое Тело Твое, и, яко во гробе, в сердце моем имею Тя, зовый: Аллилуиа.

Икос 12

Поюще Твое вольное распятие, покланяемся страстем Твоим, Христе, веруем с сотником, яко воистинну Божий Сын еси, приити имеяй на облацех с силою и славою многою; тогда убо не посрами нас, Кровию Твоею искупленных и тако вопиющих:
Иисусе многострадальный, рыданием Девы Матере Твоея вечнаго плача исхити ны;
Иисусе, от всех оставленный, не остави мя единаго в час смерти моея.
Иисусе, с Магдалиною ногам Твоим касающася, приими мя;
Иисусе, с предателем и распеншими Тя не осуди мене.
Иисусе, с разбойником благоразумным в рай введи мя;
Иисусе, Сыне Божий, помяни нас, егда приидеши во Царствии Твоем.

О Иисусе Христе, Агнче Божий, вземляй грехи мира, приими малое сие от всея души нашея приносимое Тебе благодарение и исцели ны спасительными Твоими страданьми от всякия болезни душевныя и телесныя, огради ны Крестом Твоим от враг видимых и невидимых и при кончине живота нашего не остави нас, да смертию Твоею избавльшеся вечныя смерти, выну зовем Тебе: Аллилуиа.

Этот кондак читается трижды, затем 1-й икос «Ангелов ликостояние…» и 1-й кондак «Взбранный Воеводо…»:

Ангелов ликостояния восполняя, не от Ангел восприял еси, но мене ради, Бог сый, человек быв, человека умерша грехми животворящим Телом и Кровию Твоею оживил еси; темже, толицей любви Твоей благодарни суще, вопием Ти:
Иисусе Боже, Любы Предвечная, тако о нас, земнородных, возблаговоливый;
Иисусе, милосте безмерная, к человеком падшим долу низшедый.
Иисусе, в плоть нашу оболкийся, и смертию Своею смерти державу разрушивый;
Иисусе, Божественными Твоими Тайнами нас обоживый.
Иисусе, страданьми и Крестом Твоим весь мир искупивый;
Иисусе, Сыне Божий, помяни нас, егда приидеши во Царствии Твоем.

Взбранный Воеводо и Господи Небесе и земли, Тебе, Царя Безсмертнаго, зрящи на Кресте висяща, вся тварь изменися, небо ужасеся, основания земли восколебашася. Мы же, недостойнии, благодарственное поклонение Твоему нас ради страданию приносяще, с разбойником вопием Ти:
Иисусе, Сыне Божий, помяни нас, егда приидеши во Царствии Твоем.

МОЛИТВА КО ГОСПОДУ ИИСУСУ РАСПЯТОМУ

На Кресте пригвожденный за ны, Иисусе Христе, Единородный Бога Отца Сыне, милости, любве и щедрот неизчерпаемая бездно! Вем, яко грехов ради моих, от неизреченнаго человеколюбия, Кровь Твою пролияти на Кресте изволил еси, юже аз, окаянный и неблагодарный, доселе скверными моими делы попирах и нивочтоже вменях. Тем убо из глубины беззакония и нечистоты моея умныма очима на Распятаго Тя на Кресте Искупителя моего воззрев, со смирением и верою во глубину язв, Твоего милосердия исполненных, себе повергаю, грехов прощения и сквернаго жития моего исправления прося. Милостив буди мне, Владыко и Судие мой, не отрини мя от лица Твоего, но всесильною Твоею рукою Сам мя к Тебе обрати и на путь истиннаго покаяния настави, да отныне положу спасения моего начало. Божественными страданьми Твоими укроти моя плотския страсти; излиянною Твоею Кровию очисти моя душевныя скверны; распятием Твоим распни мя миру с соблазнами его и похотьми; Крестом Твоим огради мя от невидимых враг, ловящих душу мою. Прободенными ногами Твоими от всякаго пути лукаваго возбрани ногам моим; прободенными руками Твоими руце мои от всякаго неугоднаго Тебе дела воздержи. Пригвожденный плотию, пригвозди страху Твоему плоть мою, да уклонився от зла, творю благо пред Тобою. Преклонивый главу Твою на Кресте, к земли смирения приклони вознесенную мою гордыню; венцем Твоим терновым огради моя ушеса, во еже не слышати неполезнаго; желчь устами вкусивый, положи хранение нечистым устом моим; отверстое копием имеяй сердце, сердце чисто во мне созижди; всеми Твоими язвами, всего мя сладце в любовь Твою уязви, да Тебе, Господа моего, возлюблю всею душею, всем сердцем, всею крепостию и всем помышлением. Даждь ми Себе странна и неимуща, где главы подклонити; даждь ми Себе Всеблагаго, избавляющаго душу мою от смерти; даждь мне Себе Всесладкаго, услаждающаго мя в скорбех и напастех Своею любовию, да Егоже первее ненавидех, прогневлях, от себе изгонях и ко Кресту пригвождах, сего ныне возлюблю, радуяся прииму и сладце Крест Его до конца жизни моей понесу. Не даждь отселе, о всеблагий Искупителю мой, ни единой моей воле совершатися, понеже зла есть и непотребна, да не паки впаду в тяжкую работу царствовавшаго во мне греха; но Твоя воля благая, спасти мя хотящая, да совершается во мне всегда, ейже мя вручая, Тебе, Распятаго Господа моего, умным очесем моего сердца представляю и молю из глубины души, да и в разлучении моем от бреннаго моего тела, Тебе Единаго на Кресте Твоем узрю, в руце мя защищения Своего приемлюща, и от воздушных духов злобы храняща, вселяюща же со грешники, покаянием Тебе благоугодившими. Аминь.

МОЛИТВА ИНАЯ КО ГОСПОДУ ИИСУСУ РАСПЯТОМУ

Господи Иисусе Христе, Сыне Бога живаго, Творче неба и земли, Спасителю мира, се аз, недостойный и паче всех грешнейший, смиренно колена сердца моего пред славою величества Твоего преклонив, воспеваю крест и страдания Твоя, и благодарение Тебе, Царю всех и Богу, приношу, яко благоизволил еси вся труды и всякия беды, напасти и мучения, яко человек, понести, да всем нам во всяких печалях, нуждах и озлоблениих состраждущий Помощник и Спаситель будеши. Вем, всесильне Владыко, яко вся сия Тебе убо не быша потребна, но человеческаго ради спасения, да всех нас искупиши от лютыя работы вражия, Крест и страдания претерпел еси. Что убо воздам Тебе, человеколюбче, о всех, яже пострадал еси мене ради грешнаго; не вем, душа бо и тело, и вся благая от Тебе суть, и вся моя Твоя суть, и аз Твой есмь. Точию на безчисленное Твое, благоутробне Господи, милосердие надеяся, пою Твое неизреченное долготерпение, величаю неисповедимое истощание, славлю Твою безмерную милость, покланяюся пречистым Страстем Твоим и, вселюбезно лобызая язвы Твоя, вопию: помилуй мя грешнаго, и сотвори, да не безплоден будет во мне Крест Твой святый, да причащаяся зде с верою страданиям Твоим, сподоблюся видети и славу Царствия Твоего на небеси! Аминь.

Акафист Страстем Христовым читается во время великопостного богослужения, называемого «пассия». Пассия — это особый чин службы воспоминаний гефсиманских и голгофских страданий нашего Господа и Спасителя Иисуса Христа. По акафисте читается Евангелие, повествующее о страстях Христовых, откуда, собственно, и явилось название пассии (лат. раssiо — страдание, страсть). Чин этот, установленный на Руси митрополитом Петром Могилой и совершаемый в наше время Великим постом в неделю вечера, приобрел особую любовь православного народа. И это не удивительно — ведь в нем с благоговейным трепетом говорится о страданиях и мучениях Невинного — за грешных, Чистого — за нечистых, Сына Божия — за падших людей. Христос Спаситель за всех грешников принял позорнейшие страдания и смерть. На Кресте была принесена жертва умилостивления (Рим. 3, 25) за каждого из нас. И читая этот акафист, вызывающий в наших сердцах священные воспоминания тех отдаленных дней, будем помнить слова Господа, сказанные в Гефсимании апостолам: «Бдите и молитесь, да не внидете в напасть» (Мф. 26, 41).

[ad01]

Рубрики: Разное

Добавить комментарий

Ваш адрес email не будет опубликован. Обязательные поля помечены *