АКАФИСТ
Преподóбному и богонóсному отцу нашему
СТИЛИАНУ Пафлагóнскому,
предстáтелю чáд и безчáдных жен
Кондак 1
Избранный чудотвóрче Христов и скóрый помóщниче, преподобне отче наш Стилиáне, прославляюще Бога, от утрóбы матерни тя освятившаго, похвáльная восписýем ти; ты же, яко теплый предстáтель и милостивый, от всяких нас бед свободи, да зовем ти:
Радуйся, преподобне Стилиáне, великий чудотвóрче.
Икос 1
Ангелов и человеков Творец избрá тя изначáла, да прослáвиши ангельским твоим житием имя Святыя Троицы, и мирскáя отринув попечéния, возблистáеши, яко Солнца правды луча светлéйшая. Мы же, зряще твоя всечестныя подвиги, смирением и радостию глаголем ти сицевая:
Радуйся, Церкве святыя похвало,
Радуйся, Пафлагóнии крепкий стóлпе;
Радуйся, помощи требующих усéрдное слышание,
радуйся, отшéльников небýрное отишие;
Радуйся, образе кротости и смирения,
Радуйся, грешников исправлéние;
Радуйся, молитвы пустынныя высотó,
Радуйся, упования и любве глубинó;
Радуйся, недýжным усéрдное вспоможение,
Радуйся, верных честнóе удобрéние.
Радуйся, преподобне Стилиáне, великий чудоворче.
Кондак 2
Видя тя Бог, яко сéмя благóе и избрáнное, от ложесн мáтерних освяти тя и Духа сосуд яви тя. Ты же, стопы своя к безмолвию направляя, крест честный чрез все житие пронесл еси, знáменуя тем вéлию любовь нас ради Распятаго, Ему же приносим песнь: Аллилуиа.
Икос 2
Разум небесный даровáся ти, отче Стилиáне, еще бо юну ти сýщу, гóрняя мýдрствоваше; сего ради имéние раздав, осия молитвами твоими мрак пещéры, в нейже скрылся еси. Тéмже услыши от нас таковая:
Радуйся, от юности Христу послуживый,
радуйся, мироотрéчное житие явивый;
Радуйся, яко лютая в пещере терпéвый,
радуйся, яко тлéнная вся презрéвый;
Радуйся, свéте монашества златосиянный,
радуйся, цвéте преподобия богоизбрáнный;
Радуйся, имже Пафлагония величáется,
радуйся, имже лик святых украшáется;
Радуйся, силою крестною победителю,
радуйся, верный Христов служителю.
Радуйся, преподобне Стилиане, великий чудотворче.
Кондак 3
Сильну надéжду возлóжших на тя многи недуги душéвныя же и телесныя целиши, тáже припадáющих ти бед и скорбей свобождáеши. Сего ради ныне к тебе притекающе, молим тя со слезами: к Вышняго престолу наша прошения принеси, славящих Бога и поющих Тому: Аллилуиа.
Икос 3
Имея ревность к подвигóм монашескаго жития, также безмóлвие возлюбив, в пещере, токмо любовию Божиею освященней, водворися, идéже пищу от ангела приимáя, живот свой богоугодне в нищете, посте и молитве скончá. Мы же, святым твоим трудóм дивящеся, приносим ти пéния таковáя:
Радуйся, тленных всех устранивыйся,
радуйся, к Царству Небесному устремивыйся;
Радуйся, яко Христа воистину возлюбил еси,
радуйся, яко ум и сердце в молитве к Богу утвердил еси;
Радуйся, мудре, ветия просвещáющий,
радуйся, радость небесную возвещáющий;
Радуйся, источниче живонóсный пустыни,
радуйся, трубó велеглáсная, отгоняющая уныние;
Радуйся, тéплый в бедáх и скóрбех утéшителю,
радуйся, со страстьми борющимся споспéшителю.
Радуйся, преподобне Стилиане, великий чудотворче.
Кондак 4
Бурю злых искушений отгоняя, тесный и многоскорбный путь прохождáше, иго Христово, иго безмолвия же и всенóщных стояний взем, богодарованне на верх совершенства возшел еси, да сподóбишися со ангелы славити Бога, поя Ему: Аллилуиа.

Икос 4
Слыша и видя житие твое чистое и святое, преподобне отче Стилиáне, лик монáшеский от страны пафлагóнския зело дивляшеся, тщáщеся всячески похвалити тя. Мы же верою и рáдостию глагóлем ти сицевáя:
Радуйся, на высоту святости восшéдый,
радуйся, крине избрáнный, пустыню облагоухáвый;
Радуйся, вышнее чудо и Цéркве честнéйший сосуде,
радуйся, дáры небéсными вооружéнный воине Христов;
Радуйся, в прéдних предстáтелю наш у престóла Великаго Царя,
радуйся, дóбрый Божий служителю, во благáя уготóванный;
Радуйся, Богу угóдный пóстниче,
Радуйся, крепкое основание и скорый помощниче;
Радуйся, яко Христу Богу со смирением послужил еси,
радуйся, яко вéрныя молитвами своими укрепил еси.
Радуйся, преподобне Стилиáне, великий чудотворче.
Кондак 5
Богоприятными твоими мольбáми скоротéчную смерть младéнцев устáвил еси, изымáя призывающих имя твое и подóбие зрáка твоего изобразýющих пáгубы и смерти; тогда мáтери печáльныя возрáдовашася, Бога слáвящя и Тому поющя: Аллилуия.
Икос 5
Видя младéнцы, на одрé болезни стрáждущыя, сих мольбáми твоими воздвигл еси, скорби мáтерни на веселие прелагáя, добрых чад рождéние испрошáя, Стилиáне святе. Убо дар сицевый от Бога приéмшему, вéрнии твоя чудныя и прехвальныя подвиги свéдуще, песнопоим таковáя:
Радуйся, крóтостию духа лукáваго отгнáвый,
радуйся, мáтерей о болящих чáдех печáлующих утéшивый;
Радуйся, яко мнóги чада недýжныя исцеливый,
радуйся, тако ся покровителя отрочáт явивый;
Радуйся, к немуже младенцы непрестáнно прибегáху,
Радуйся, яко ревнитель Божией любви от дел показáлся еси;
Радуйся, малодýшных укреплéние,
радуйся, семéйств наших утверждéние;
Радуйся, чад небесный хранителю,
радуйся, вышними дáры вооружéнный отшéльниче.
Радуйся, преподобне Стилиáне, великий чудотворче.
Кондак 6
Проповéдует даже до днесь край Пафлагóнский пóдвиги и труды твоя, Стилиáне святе, понéже непрохóдныя мéста и дикия испóлнишася благоухáний твоих молитв, и якоже иногдá фесвитянин Илия, пустыни прозябéние ты показáлся еси. Сего ради Богу хвалебными гласы поем: Аллилуиа.
Икос 6
Возсияв звездою блистающею, отгнáл еси невéрия тьму: мнози бо свящéнными твоими предстáтельствы от греховнаго мрака ко спасéния свету извéл еси, того ради от Бога чудотворéния благодать приим. Мы же, чтýще труды и духóвныя дáры твоя, восписýем ти таковая:
Радуйся, боговидче пресветлый,
радуйся, храме Духа Святаго преудобрéнный;
Радуйся, имже преподóбнии украшáются,
радуйся, имже делатели укрепляются;
Радуйся, яко еще в теле сый, рáйстей слáдости причастися,
радуйся, яко водою живóтною напоися;
Радуйся, грехолюбивым огрáдо,
радуйся, многопечáльным отрáдо;
Радуйся, яко пути небéсному научаеши,
радуйся, яко молитвою дéмонския полки расточáеши.
Радуйся, преподобне Стилиáне, великий чудотворче.
Кондак 7
Всякое естествó человéческое удивися, святе, безмóлвному житию твоему, во одежду бо смирéния истиннаго оболчéн, вéлиими дарами свыше обогатился еси. Сего ради с тобою вкупе слáвим Бога, поюще: Аллилуиа.
Икос 7
Новое показа житие Владыка всех тобою, преподóбне отче, Господа бо ради живот в пустыни препроводил еси, пóмыслы смирéнием к вышним возводя и молитвою истóчник дарóв низводя. Мы же, попечéньми и страстьми потемнéннии, хвалим со умилéнием чистую и святую твою яже к Богу любовь, рáдостная поюще:
Радуйся, цвете тáинственнаго благоухания,
радуйся, сокрóвищнице неиссякáемая щедрóт;
Радуйся, молитвою пламенéющий о уязвлéнных страстьми,
радуйся, бýиих тихостию укрощáющий;
Радуйся, пáстырю наш предóбрый,
радуйся, отче милостивый и крóткий;
Радуйся, оструплéнных душéю и тéлом целителю,
радуйся, ко истинней жизни путеводителю;
Радуйся, малодýшныя утешáяй,
радуйся, пáдшия возставляяй.
Радуйся, преподобне Стилиáне, великий чудотворче.
Кондак 8
Стрáннну ти сýщу в мире сем, вся возвеселил еси ангельским твоим житием, ныне же, в небéсней славе Царю Христу предстоя, не забýди совершáющих память твою, обáче моли даровáтися грехов разрешению и причáстию вечных благ, да с тобою во веки поим: Аллилуиа.
Икос 8
Вся пафлагóнская страна устремися к тебе, яко сосуду избрáнному Святáго Духа, тáже от дáльних мнóзи к тебе притекáху, пóмощи чáюще, ты же, тогда и днесь врачевáния щéдре точáщий, приими от нас таковáя:
Радуйся, молитвенниче о спасéнии чтýщих тя,
радуйся, Духа свиреле, к покаянию вся зовущая;
Радуйся, яко молитвою стрелы врáжия отразил еси,
радуйся, яко в чистое твое сердце Бог вселися;
Радуйся, яко пóдвиги твоими Ангелы возвеселил еси,
радуйся, яко тéми диáвола препобедил еси;
Радуйся, верных от враг молитвенное ограждéние,
радуйся, монáшествующих крéпкое утверждéние;
Радуйся, о мире неисчéтное ходатáйство,
радуйся, присное за ны у Бога предстáтельство.
Радуйся, преподобне Стилиáне, великий чудотворче.
Кондак 9
Хотящу ти, преблажéнне отче, скончáти спасительныя твоя труды, душу в рýце Господа прéдал еси, святыми ангелы ко престолу, яже превыше небес, носимь, воспевáти песни хвалéбныя Бóгови, дивному во святых Своих: Аллилуиа.
Икос 9
Ветия добровещáнная недоумéют хвалити по достоянию силу твоея яже по Бозе любвé, яко милостив яви ся молитвою же и деяньми: заблýждшим яко добр путевождь, недýжным яко благоувéтлив врач, мáтерем обезчáдствованным яко утéшитель; мы же, о таковом ти даровáнии ниспóсланнем рáдующеся, благодарственная поим:
Радуйся, мира сокрывыйся выну Бóга хвалити,
радуйся, яко и ныне Того не престáвый о нас молити;
Радуйся, дар чудотворéния свыше приявый,
радуйся, яко мáтерей о умéрших чáдех печáльных, новым плодоношéнием возвеселивый;
Радуйся, яко многоразличных страстéй целитель показáлся еси,
радуйся, врачу скоропослýшливый;
Радуйся, тéплое о нас заступлéние,
радуйся, отрочáт от недуг ограждéние;
Радуйся, о тезоимéнных ти попечителю,
радуйся, скóрый помóщниче чтýщим тя.
Радуйся, Стилиáне, великий чудотворче.
Кондак 10
Спасительное дерзновéние ко Христу Богу нáшему имея, того, святе Стилиáне моли о нас, совершáющих память твою, прославляя Бога и поя ему: Аллилуиа.
Икос 10
Стена явился еси благоотишная от напáстей и бед, и прегрáда страстем, зане дýши наша и телесá обретáют тобою помощь, преподóбне óтче. Тем смирéнием Богу припáдающе, таже твой святый лобызáюще образ, хвалим тя, вопиюще:
Радуйся, Христов благоухáнный мире,
радуйся, боголюбéзныя молитвы кадило;
Радуйся, имже верным дáры ниспосылáются,
радуйся, имже всяческая искушéния побеждáются;
Радуйся, о спасении нашем попечéние,

радуйся, в День Судный о нас заступлéние;
Радуйся, о сýщих в бедáх печáльниче,
радуйся, страстéй телéсных отгнáние;
Радуйся, в тáинствах достигий Бóжия всыновлéния,
радуйся, изводяй вéрныя ко спасéнию.
Радуйся, преподобне Стилиáне, великий чудотворче.
Кондак 11
Пение всеумилéнное ти, отче, плéщуще, яко истиннаго дéлателя заповедей Господних мóлим: помози и нам во исполнéнии повелéний Божиих потрудитися, да небéсное Царство наслéдим, и с тобою вкýпе во веки прослáвим Того: Аллилуиа.
Икос 11
Светолéпныя взéмше свещи, вернии, приидите, в храме Божием поклонимся, преподóбному же Стилиáну да помолимся, тако поюще:
Радуйся, аки безплóтен сый в телеси,
радуйся, Ангелом собесéдниче;
Радуйся, яко к Бóгови все житие упрáвил еси,
радуйся, яко тем раб Его показáлся еси;
Радуйся, венец нетленный от Бога приявый,
радуйся, блаженство небесное со святыми наслéдовавый;
Радуйся, яко оттýду на ны призирáеши,
радуйся, яко молитвами твоими ны направляеши;
Радуйся, яко и ныне твоему заступлéнию прибегаем,
радуйся, юных кормчий и жéзле старых.
Радуйся, преподобне Стилиáне, великий чудотворче.
Кондак 12
Благодать подаждь хвалити и величáти тя, вси бо вернии тя ублажáем, чистéйший отче, имже Церковь Христова красýется и сияет монáшествующих лик. Моли милостиваго Бога, да сохранит Церковь и люди своя от всякаго злáго обстояния, огради дóмы наша теплотóю твоих молитв, да с тобою вкупе вознесéм песнослóвие: Аллилуиа.
Икос 12
Поюще всепрáзнственную пáмять твою, преподобне отче, тебе, добровóнному цвéту, даровáний Христовых испóлнену, и облагоухáвшему мира концы, восписýем похвáльная:
Радуйся, его же любовию людие Божии освящáются,
радуйся, его же божественным дáром недýжнии исцеляются;
Радуйся, рекó неиссякáемая святыя хвалы;
радуйся, о преслáвных и неизречéнных рáдование;
Радуйся, отрочáт сокрóвище возлюбленное,
радуйся, всерáдостная всех отрáдо;
Радуйся, яко тобою пути истинному научаéмся,
радуйся, яко образу жития твоего послéдующии спасáются;
Радуйся, помощи твоея трéбующих спомогáтелю,
радуйся, вéрных стóлпе и предстáтелю.
Радуйся, преподобне Стилиáне, великий чудотворче.
Кондак 13
О, преблажéнне чудóтворче святый, преподобне отче Стилиáне! Приими малое моление сие наше, в похвалу тебе возносимое, испроси у благáго Бога чтýщим тя, прегрéшений прощéния, нам и чáдом нашим здрáвия, мирови мир, тишину домóм нашим, да поим и славим Его: Аллилуиа.
Молитва
О, преподобне отче Стилиáне, крепосте и путевождю молитв наших! Ты страсти телéсныя препобедив и со áнгелы вселився, непрестанно зриши славу, уготóванную святым, небéснаго веселия исполняяся. Ныне, в невечéрнем свете пребывая и Царю Христу предстоя, не забýди уповáющыя на тя, иже со дерзновéнием молитвы к тебе вознóсят, просяще у тебе укреплéния. Ты, от чрева мáтерня освящéнный, сосуд Духа Святаго содéлавыйся, простирáяй тéплое попечéние о мáтерех же и чáдех, свобождáяй тыя печáли и скóрби, покажи ся скорый врач страстей и болезней душéвных же и телéсных хвáлящих тя. Ты, Пафлагóнию местом прославлéния Святыя Троицы содéлавый, ныне пустыню сердец наших в плодорóдную землю претвори, да достóйны дáра божéственнаго явятся, процветýт крины веры спасительныя и умнóжат плоды подвигóв добрых. О, преподобне отче Стилиáне! Сохрани твоими молитвами семьи и чада наша, моля Милостиваго Бога о прощении грехов, здравии и спасении, да с тобою вкýпе восхвáлим всесвятое имя Отца и Сына и Святаго Духа. Аминь.
Примечания:
Акафист переведен с румынского через русский подстрочник.
Во избежание стилистических ошибок и тавтологии (в том числе, смысловой), осуществлена радикальная редактура, а посему переводом текст акафиста назвать нельзя, скорее подойдет определение: приблизительный пересказ.
Еще возможна несущественная стилистическая правка.

День памяти:

9 декабря (н.ст.)

Тропарь, глас 3

Столп воодушевленный воздержания, адамант неколеблем Церкве, Стилиане, соделался еси, блаженне; Господу от юности вверился еси, обиталище Духа явился еси, отче преподобне, Христа Бога моли даровати нам велию милость.

Кондак, глас 4

От утробы матерния освятивыйся, яко божественный Самуил, богоносне, подвижнически Христа Бога прославил еси, темже исцелений показался еси кладязь и предстатель божественный отроков и младенцев, Христос бо тя светло славит, Егоже измлада, Стилиане, прославил еси.

Кондак 1

Избранный чудотворче и угодниче Христов, скорый помощниче и молитвенниче наш, преподобне отче Стилиане, прославляя прославльшаго тя Господа, похвальная пения приносим ти, чтущии святую память твою. Ты же, предстоя пред Престолом Вседержителя, воздвигни о нас, грешных, многомощныя молитвы твоя, взывающих ти: Радуйся, отче Стилиане, преславный чудотворче.

Икос 1

Ангелов Творец и всея твари Создатель еще от утробы матерния избра тя, преподобне Стилиане, чудным житием своим на земли прославляти Троицу Святую, по блаженней же кончине твоей учини тя со святыми Ангелы воспевати Ему песнь сладчайшую на Небеси. Мы же, таковому Божию благоволению о тебе радуяся, песнословим тя:

Радуйся, Святыя Церкви похвало.

Радуйся, Пафлагонии крепкий столпе.

Радуйся, добраго воспитания цвете благоуханный.

Радуйся, Божественнаго избрания сосуде благословенный.

Радуйся, Господа от юности возлюбивый.

Радуйся, веру и любовь в сердце своем возрастивый.

Радуйся, целомудрие души своея сохранивый.

Радуйся, смирение великое стяжавый.

Радуйся, пустыни великий молитвенниче.

Радуйся, благодатный иноков путевождю и наставниче.

Радуйся, отче Стилиане, преславный чудотворче.

Кондак 2

Видя чистоту сердца твого, отче Стилиане, Всевидец Господь исполни душу твою благодати Своея и освяти ю в сосуд Духа Святаго, да видящии тя восхвалят Бога Вседержителя и, вземши на рамо кийждо крест свой, во след Ему грядет, воспевая: Аллилуиа.

Икос 2

Разумом, просвещенным от Господа, исполнен быв, преподобне, не попустил еси страстем в души твоей воцаритися, силою Божиею вся хитрости тленнаго и временнаго жития отражая. Темже, усердие твое похваляюще, вопием ти:

Радуйся, земли Пафлагонския похвало.

Радуйся, Церкви Христовы зерцало.

Радуйся, на земли, яко на Небеси поживый.

Радуйся, невозвратно за Господом последовавый.

Радуйся, молитвы, поста и воздержания хранителю.

Радуйся, истиннаго богопочитания насадителю.

Радуйся, смирением мир души своея стяжавый.

Радуйся, тленная и временная мира сего презревый.

Радуйся, от Господа дар чудотворения получивый.

Радуйся, врага злокозненнаго низложивый.

Радуйся, отче Стилиане, преславный чудотворче.

Кондак 3

Силою Божественныя любве, еюже исполнено бысть сердце твое, укрепляемый, святе Стилиане, вся имения твоя нищей братии раздал еси и, ко братии иночестей сопричтенный, сладце воспевал еси Богу: Аллилуиа.

Икос 3

Имея в сердце своем желание велие к непрестанному восхождению лествицею духовною и уединение возлюбив, братию свою оставил еси, подвижниче многотрудный, и в пещеру преселився, дни и нощи в славословии Бога пребывал еси. Таковому твоему дерзновению дивящеся, восхваляем тя:

Радуйся, Господа всем сердцем возлюбивый.

Радуйся, Царствия Небеснаго взыскавый.

Радуйся, мудре ко спасению стопы своя направивый.

Радуйся, Бога добродетельным житием прославивый.

Радуйся, великих дарований вместилише.

Радуйся, трезвения и воздержания хранилище.

Радуйся, яко житию безплотных поревновал еси.

Радуйся, яко подвигом древних отцев пустынножителей подражал еси.

Радуйся, Божественною благодатию сердца молящихся тебе напаяяй.

Радуйся, благодатныя исцеления детем малым источаяй.

Радуйся, отче Стилиане, преславный чудотворче.

Кондак 4

Бурю помыслов и страстей безбедно претерпел еси, отче преподобне, и пристанище тихое — Христа обрел еси, Емуже во мнозе долготерпении неленостно работая, воспевал еси: Аллилуиа.

Икос 4

Слышавше о богоугоднем житии твоем, отче Стилиане, многия страждущия и немощныя к пещере твоей прихождаху и, наставлением твоим внимая, в истинней вере укрепляхуся, в печалех утешение обретаху и во гресех слезное покаяние приношаху. Сего ради ублажаем тя:

Радуйся, светильниче присногорящий, путь спасения освещаяй.

Радуйся, крине пустынный, святостию благоухаяй.

Радуйся, рабе Господень, благий и верный.

Радуйся, Небесными даровании обогащенный.

Радуйся, яко пред Престолом Царя Небеснаго предстоиши.

Радуйся, яко Богу молитвы о нас приносиши.

Радуйся, Господа кроткий и смиренный служителю.

Радуйся, заповедей Божиих ревностный исполнителю.

Радуйся, яко милосердие Отца Небеснаго к нам приклоняеши.

Радуйся, яко любовию к Богу сердца наша исполняеши.

Радуйся, отче Стилиане, преславный чудотворче.

Кондак 5

Боготечней звезде уподобился еси, преподобне отче, светом благочестиваго жития твоего пустыню освещая и вся приходящия к тебе учением Христовым просвещая и веровати во Единаго истиннаго Бога научая, да купно с тобою воспевают: Аллилуиа.

Икос 5

Видевше, яко чада малыя незлобиви суть, и словесем Евангельским внимая: «Аминь глаголю вам, аще не обратитеся и будете яко дети, не внидете в Царство Небесное», веру таковую стяжал еси, преподобне отче, и благодать от Господа молитися о чадех восприял еси. Мы же, воспевая величия Божия, на тебе явленная, глаголем ти сице:

Радуйся, младенцев благостный попечителю.

Радуйся, матерей болезнующих о чадех своих утешителю.

Радуйся, возложением рук немощи младенцев исцелявый.

Радуйся, веру чистую и искреннюю в себе стяжавый.

Радуйся, яко чадом малым покровительствуеши.

Радуйся, яко за безчадных родителей о даровании им чад Бога умоляеши.

Радуйся, душевныя и телесныя недуги исцеляяй.

Радуйся, ко благочестивому житию побуждаяй.

Радуйся, теплый наш молитвенниче.

Радуйся, милостивый наш заступниче.

Радуйся, отче Стилиане, преславный чудотворче.

Кондак 6

Проповедником евангельския кротости был еси, преподобне отче, образом жития твоего всем показуя, яко вся возможна человеку о укрепляющем Бозе, Егоже благодатию и наша сердца во истинней вере укрепи и буди нам скорый помощник и теплый молитвенник, вопиющим о тебе Богу: Аллилуиа.

Икос 6

Возсиял еси яко светильник, на свещнице церковней поставленный, святе Стилиане, да вси видящии многая чудеса исцелений, тобою творимая и присно являемая, восхвалят Бога, дивнаго во святых Своих, тебе же воспоют сицевая:

Радуйся, равноангельный слуго Господень.

Радуйся, обиталище Духа Святаго.

Радуйся, благочестием себе украсивый.

Радуйся, в сосуд благоуханный душу твою обративый.

Радуйся, яко на земли имя твое прославляется.

Радуйся, яко сладостию Небесною наслаждаешися.

Радуйся, жажду духовную утоливый.

Радуйся, на Небесех обитель себе сотворивый.

Радуйся, яко со Ангелы Господа воспеваеши.

Радуйся, яко в лице преподобных пребываеши.

Радуйся, отче Стилиане, преславный чудотворче.

Кондак 7

Хотя явити миру новаго источника милости Своея неоскудевающия, Христе Боже наш, даровал еси нам предстателя и молитвенника к Тебе дерзновеннаго – преподобнаго Стилиана, да Тя, Всеблагаго Бога нашего, славяще, во умилении сердечнем зовем: Аллилуиа.

Икос 7

Новаго ходатая и заступника имамы тя пред Богом, блаженне Стилиане, ты бо душею кроткою и милостивою непрестанно молишися Господеви о еже ниспослати благодатную помощь всем людем, славящим Его, Всеблагаго Отца нашего Небеснаго, и вопиющим ти сице:

Радуйся, ароматы райскими благоухаяй.

Радуйся, неисчерпаемый источниче исцелений.

Радуйся, усердный о нас молитвенниче.

Радуйся, обидимых крепкий заступниче.

Радуйся, добродетельнаго жития учителю.

Радуйся, немощных искусный целителю.

Радуйся, в любви к Богу пламеневый.

Радуйся, Небесных благ возжелевый.

Радуйся, праведности нас научаяй.

Радуйся, любити Бога и ближняго своего нас наставляяй.

Радуйся, отче Стилиане, преславный чудотворче.

Кондак 8

Странника и пришельца помышлял еси себе быти в мире сем, преблаженне отче, отечествия Горняго взыскуя и Небеснаго Иерусалима гражданином быти желая, в немже ныне сладце воспеваеши Богу песнь: Аллилуиа.

Икос 8

Весь распалился еси любовию к Сладчайшему Иисусу, преподобне отче, дни и нощи в молитве и подвигах пребывая, и Духа Святаго исполнився, всему миру молитвенник изряден показался еси, реки чудес источаяй. Сего ради, почитая святую память твою, во умилении зовем:

Радуйся, на помощь тя призывающих спасаяй.

Радуйся, недужных и страждущих исцеляяй.

Радуйся, вражиих стрел прогонителю.

Радуйся, диавольских наветов разорителю.

Радуйся, яко Ангелы труды твоими возвеселил еси.

Радуйся, яко диавола подвигами твоими посрамил еси.

Радуйся, непоколебимый столпе иночествующих.

Радуйся, милостивый покровителю в супружестве живущих.

Радуйся, присный о нас к Богу молитвенниче.

Радуйся, в бедах скорый наш заступниче.

Радуйся, отче Стилиане, преславный чудотворче.

Кондак 9

Всякое естество удивил еси, предивне отче, Единаго бо Бога возлюбив, в пустыни взыскал еси Того равноангельным житием твоим, ныне же на Небесех блаженства райскаго наслаждаешися и воспеваеши Пресвятей Троице: Аллилуиа.

Икос 9

Ветия многовещанныя не могут по достоянию воспети вся подвиги и труды твоя, преподобне отче, во славу Господа тобою творимыя. Мы же, душами умиляяся, богоугодное житие твое восхваляем пении таковыми:

Радуйся, истинному служению Богу нас научаяй.

Радуйся, сердца наша радости исполняяй.

Радуйся, яко безропотному несению креста нас научаеши.

Радуйся, яко недуги наша душевныя и телесныя исцеляеши.

Радуйся, благочестия водами жаждущия спасения напоивый.

Радуйся, светом Богопознания верныя просветивый.

Радуйся, во бранех со страстьми помощниче.

Радуйся, младенцев от недугов защитниче.

Радуйся, лампадо любве неугасимая.

Радуйся, лествице, на Небеса возводящая.

Радуйся, отче Стилиане, преславный чудотворче.

Кондак 10

Спастися хотящии от различных напастей, бед и скорбей, тебе, преподобне отче, предстателя крепкаго и поборника непостыднаго имеют: приял бо еси от Бога благодать во всяких бедах заступати призывающия на помощь имя твое, да, молитвами твоими ограждаеми, благодарно воспеваем о тебе Спасителю нашему: Аллилуиа.

Икос 10

Стена твердая и ограждение крепкое явился еси миру, преподобне отче Стилиане, ходатайством бо твоим Церковь Святая укрепляется, мир водворяется и вся во благо устрояется. Сего ради приими от нас сицевая:

Радуйся, от пагубных ересей отвращаяй.

Радуйся, очи наша душевныя просвещаяй.

Радуйся, яко благодатию Божиею сердца наша укрепляеши.

Радуйся, яко о прощении грехов наших Господа умоляеши.

Радуйся, спасению душ наших пособствуяй.

Радуйся, на путь праведный нас направляяй.

Радуйся, от козней вражиих защитниче.

Радуйся, на Страшнем Суде заступниче.

Радуйся, щедрот Божиих милостивый подателю.

Радуйся, у Престола Вседержителя предстателю.

Радуйся, отче Стилиане, преславный чудотворче.

Кондак 11

Песнь хвалебную приносим ти, преблаженне отче, почитающии святую память твою, ты же усердно моли Святую Троицу о еже избавитися нам от падений греховных и жизнь вечную наследовати, да непрестанно зовем Богу: Аллилуиа.

Икос 11

Светозарный светильник, от Истиннаго Света озаряемый, сущим на земли являешися, преподобне отче Стилиане, сердца бо верных просвещаеши и к разуму Божественному вся наставляеши, да со умилением зовут ти сицевая:

Радуйся, на земли яко Ангел поживый.

Радуйся, на Небеси со святыми пребываяй.

Радуйся, Господу житием своим угодивый.

Радуйся, последователем стопам Его себе показавый.

Радуйся, яко венец безсмертия от Бога приял еси.

Радуйся, яко райское блаженство со святыми унаследовал еси.

Радуйся, во бдении пребывати нас наставляяй.

Радуйся, молитвенно нас покрываяй.

Радуйся, в тяжких обстояниих наш помощниче.

Радуйся, сирых и немощных заступниче.

Радуйся, отче Стилиане, преславный чудотворче.

Кондак 12

Благодать, данную ти от Господа, вемы, преподобне отче, во еже не токмо недужныя младенцы исцеляти и заступником и покровителем им быти, обаче и всему христианскому роду милости своя низпосылати; веруем, яко и по смерти вся сия твориши всем с верою к чудотворным иконам твоим припадающим, Богу же о тебе вопиющим: Аллилуиа.

Икос 12

Поюще славное житие твое и о блаженнем отшествии твоем на Небеса радующеся, пречудне отче Стилиане, ублажаем тя, яко угодника Божия и дивнаго чудотворца. Ты же, Богу предстоя, присно поминай нас, совершающих любовию память твою и со умилением зовущих ти таковая:

Радуйся, житие твое благочестиво скончавый.

Радуйся, в радость Господа твоего вшедый.

Радуйся, Горняго Иерусалима честнейший гражданине.

Радуйся, райских обителей достойный обитателю.

Радуйся, чтущих тя благодатный наставниче.

Радуйся, притекающих к тебе благостный покровителю.

Радуйся, младенцев целителю.

Радуйся, юных наставниче.

Радуйся, всех призывающих тя милуяй и питаяй.

Радуйся, и по кончине твоей исцеления обильно источаяй.

Радуйся, отче Стилиане, преславный чудотворче.

Кондак 13

О всехвальный и предивный угодниче Христов, преподобне отче Стилиане! Приими сие малое моление, от усердия нашего в похвалу тебе приносимое, и покрый молитвами твоими всех притекающих к тебе с верою и любовию, да покаяние наше приимше, Господь и Бог наш простит нам вся грехи наша и сопричастники Царствия Своего соделает, да выну с тобою и со всеми святыми воспеваем Ему: Аллилуиа.

(Этот кондак читается трижды, затем икос 1 и кондак 1).

Молитва

О священная главо, преподобне отче Стилиане! Подвигом добрым подвизався на земли, на Небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смирением молим тя, преподобне отче: воззри убо благосердым оком любве твоея на нас, недостойных, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии, и восприимем вечная благая во Царствии Христа Бога нашего, и прославим человеколюбие Отца и Сына и Святого Духа и твое святое заступление, ныне и присно и во веки веков. Аминь.

ЖИТИЕ

Святой Стилиан родился в Пафлагонии в Малой Азии, между 400 и 500 годами после Рождества Христова. С детского возраста он выказывал редкое стремление к святой жизни, всегда сохраняя в чистоте свой дух, душу и плоть. Он не позволял воцариться в душе своей никакой земной страсти. Силой и милостью Божьей он отражал все хитрости тленной и временной жизни.

Достигнув совершеннолетия, святой Стилиан раздал свое имущество бедным, и когда ничего не осталось от отцовского наследства, преисполненный облегчения и радости, сказал: «Я скинул тяжелый якорь, который держал меня на привязи желаний моего падшего тела. Отныне открыт передо мной путь к истинной жизни».

Высвободившись из пут тления, Стилиан творил богоугодные дела и размышлял, как прожить свою жизнь свято и честно. Теперь, когда его единственное имущество составляла одежда, он вступил на многотрудное поприще аскезы, во всем следуя учению Иисуса Христа. Благодеяниями возведя свое земное сокровище на небеса, блаженный Стилиан ушел в монастырь, где принял монашеский постриг. С этого момента уже ни помышление о земном, ни вторжение вещественного мира не могло отвлечь его от молитвы и удалить от веры. Ни о чем ином он не заботился и ни к чему иному не устремлялся, но только к тому, что было угодно святой воле Господа.

Благодаря суровой аскетической жизни стяжал святой Стилиан добродетели нестяжательности, чистоты и послушания. Никакого имущества у него не осталось, он жил в простоте и нищете. Свою душу соблюдал чистой от всякой грязи плоти и духа. Он отражал натиски врага, дабы не коснулся его нечистый грех и хранил в уме слова Господа: «Блаженни чистии сердцем, яко тии Бога узрят». Он старался во всем отсекать свою волю и исполнять волю своего старца. В монастыре он боролся против трех врагов — беса, мира и плоти.

Так в образе святого Стилиана воссияла светлая звезда подвижнического жития и был явлен пример жизни и детям, и взрослым. Все дивились его подвигам и смотрели на его жизнь как на образец для подражания.

Желая еще ближе приблизиться к совершенству, святой Стилиан распрощался с братьями и удалился в безлюдную пустыню, где поселился в пещере. Дни и ночи он проводил в молитве и славословии Бога, созерцая вокруг творения Его — неисчислимые звезды небесные, солнце, животных, природу. И вместе с псалмопевцем Давидом восклицал: «Яко возвеличишася дела Твоя, Господи, вся премудростию сотворил еси».

Свое сердце, помышления, свою душу, все свое существо он горячо предал Богу. Оставив свое плотское «я» и вступив в период яркого расцвета духа, он мог сказать: «и уже не я живу, но живет во мне Христос» (Гал. 2,20). Святой питался травами пустыни, а когда недоставало их, Господь подкреплял его, не давая погибнуть от голода. Он поддерживал в нем жизнь, посылая пищу с Ангелами, как посылал святым пророку Илие, Марку Афинскому философу и другим.

Долгие годы святой Стилиан жил суровой жизнью отшельника, на протяжении десятилетий безжалостно борясь с диаволом и с самим собой. Он боролся, чтобы искоренить страсти, стяжать добродетели и достигнуть святости, которой желает Бог, сказавший: «будьте святы, ибо Я Свят» (1 Пет. 1,16).

Однако, Творец возжелал, чтобы святой Стилиан явил своим житием пример добродетели и подвижнической жизни, чтобы этот столп воздержания и светильник пустыни воссиял «всем концем земли», а его многочисленные добродетели открылись людям. Украшенный добродетелями святой Стилиан был подобен свече, разливающей свой теплый сладостный свет во славу Бога и спасение людей.

Праведный Господь показал миру, как Он прославляет тех, кто поклоняется Его имени и славит Его. Повсюду разнеслась молва о святом Стилиане. Толпы людей с разных концов земли, преисполненные веры и благочестия, потянулись к нему, чтобы подивиться его святости и получить душевные и телесные благоприобретения. Много было и таких, кто, подражая его подвигам, оставлял свое злое естество, приносил покаяние и спасал свою душу. Трогательными были эти посещения христиан жившего в пустыне отшельника, ибо он умел успокоить их смущенные души. Шли к Стилиану и другие подвижники, чтобы укрепиться словом и примером строгой аскетической жизни. Он утешал плачущих, ободрял отчаявшихся, грешников приводил к покаянию.

Глубоко запали в душу святого Стилиана евангельские слова: «Истинно говорю вам, если не обратитесь и не будете как дети, не войдете в Царство Небесное» (Мф. 18,1-4). Зная, что дети незлобивы и их души подобны душам Ангелов, он хотел помогать и покровительствовать детям, и Господь, зная о горячем желании Стилиана стяжать детскую веру, даровал ему благодать покровительства младенцам. Матери из близлежащих городов и деревень издалека приносили ему своих больных детей, и святой исцелял их. Они днями шли по пустыне, чтобы отыскать в ней его пещеру. Достигнув пещеры, они падали перед святым на колени, славили Бога и молили о своем ребенке. Святой Стилиан брал его на руки и со слезами просил у Бога исцеления.

Смиренный Стилиан был прославлен Господом не только через чудеса исцеления детей. Этот святой стяжал славу чудотворца для бесплодных родителей, которых своими молитвами делал способными к чадородию. У многих верных христиан, пришедших к нему бесплодными, по его благословению рождались прекрасные и здоровые дети. Более того, многие добрые христиане, уже потерявшие надежду избавиться от бесплодия, и после кончины святого, призвав его имя и принеся в храм написанную по обету икону, становились счастливыми родителями.

Между тем из всех монастырей приходили к старцу иноки, чтобы обонять благоухание его святости. Монахи и аскеты просили у святого советов о том, как следует противостоять искушениям, как водворить мир и тишину в обители.

Все смотрели на святого Стилиана как на пример аскетической жизни. Смиренномудрый подвижник блистал небесной красотой. Неутомимый, с ангельской кротостью он наставлял, направлял, наполнял сердце, укреплял в вере, рассеивал сомнения. Своими советами он на расстоянии восстанавливал мир в тех монастырях, где происходили внутренние неурядицы.

Когда святой Стилиан достиг глубокой старости, Бог послал Своих Ангелов, и они забрали его святую душу, чтобы упокоить ее от многолетних трудов, лишений и суровости подвижнической жизни.

Весь христианский мир чтит имя святого Стилиана, Его призывают в своих нуждах и, прежде всего, молятся о своих детях и об исцелении их от различных болезней. В Малой Азии, Греции, на Кипре освящали и освящают в его честь храмы.

Имя Стилиан (греч. «столп») происходит от глагола «стильно», что значит «укреплять», «поддерживать» здоровье детей. На иконе святой изображается держащим на руках спеленатого младенца.

На Руси издавна также было установлено общее почитание памяти святых покровителей младенцев святителя Иулиана Кеноманийского и преподобного Стилиана Пафлагонского, чудотворная икона которых ныне хранится в Саввино-Сторожеском монастыре.

Частица святых мощей прп. Стилиана находится в православном мужском монастыре святого великомученика Иакова Персянина в 16 км от Кишинева, столицы Молдовы, в селе Сирець Страшенского района.

Чудеса святого продолжаются и после его кончины. И сегодня святой Стилиан покровительствует нашим детям. У прихожанки храма Покрова Пресвятой Богородицы в Хомутово Щелковского благочиния Московской епархии родился долгожданный внук. Через некоторое время у него обнаружили порок сердца и нужна была операция. Однажды женщина поделилась своей болью с одной верующей, а та ей говорит: «Поезжай в Дедовичи Псковской области. Там есть икона преподобного Стилиана, который помогает болящим детям». Бабушка болящего внука взяла благословение и ночным поездом поехала туда, а в другую ночь — обратно, но уже с маленькой иконой преподобного. И сразу к своему батюшке, с просьбой заказать образ преподобного Стилиана для храма, и тут же пожертвовала деньги на его написание. Малышу удачно сделали операцию и он быстро пошел на поправку, а в храме появилась икона прп. Стилиана, которую написали монахи-иконописцы из Сергиевой Лавры.

Настоятель в поселке Дедовичи, архимандрит Павел, поведал такую историю: «Однажды я проходил мимо церквушки святого Стилиана, что находится в восточной части Афин, неподалеку от монастыря святого Иоанна Карейского. Это было 26 ноября, в день памяти святого Стилиана, который является престольным праздником той деревни. С удивлением я заметил, что, несмотря на сильный холод, туда приносили сотни маленьких детей не только из ближайшей округи, но из других районов. Я поинтересовался — что происходит, и мне ответили, что святой Стилиан — покровитель детей, поэтому родители приносят их сюда в день праздника с упованием на то, что святой сохранит их целыми и невредимыми в следующий год». Это так поразило отца Павла, что чудотворная икона святого появилась в храме Покрова Пресвятой Богородицы в Дедовичах, ее привезли из Греции.

Преподобный Стилиан помогает не только больным детям, но и женщинам, которые хотят иметь детей. И не только в Греции, но и в других странах, соседних с ней, можно увидеть эту икону почти в каждом храме.

Имя Стилиан (греч. – «столп») происходит от глагола «стилоно», что означает «укреплять», «поддерживать» здоровье детей. Преподобный Стилиан почитается как заступник детей и скорый помощник в их воспитании.
Перед иконой святого Стилиана молятся об исцелении младенцев от различных болезней. Смиренный монах Стилиан был прославлен Господом благодатью покровительства и исцеления детей. Этот святой стяжал славу чудотворца для бесплодных родителей, которых своими молитвами делал способными к чадородию. У многих верных христиан, пришедших к нему бесплодными, по благословению рождались прекрасные и здоровые дети. Более того, многие добрые христиане, уже потерявшие надежду избавиться от бесплодия, и после кончины святого, призвав его имя, и принеся в храм написанную по обету икону, становились счастливыми родителями. На иконе святой преподобный Стилиан изображается с младенцем на руках. Беременные женщины молятся о рождении здоровых младенцев.

Молитва святому преподобному Стилиану Пафлагонскому (Чадозаступнику):
О священная главо, преподобне отче Стилиане!
Подвигом добрым подвизався на земли, на небесех восприял еси венец правды от Христа Бога нашего. Темже на твой святый образ взирающе, о преславнем скончании жительства твоего радуемся и чтим святую память твою. Почитающе же твое велие дерзновение пред Господем, со смиреним молим тя, преподобне отче: воззри убо благосердым оком любве твоея на нас, недостойных рабов твоих, и потщися богоприятным твоим ходатайством испросити у Царя царствующих и Господа господствующих, да пробавит великия и богатыя милости Своя на нас, грешных, да подаст нам дух правыя веры, дух любве, мира и радости о Дусе Святе, да избавит ны от всяких бед и напастей, да ниспослет вся полезная ко спасению душ наших. Ей, святче Божий, не посрами упования нашего, еже на тя по Бозе и Богородице возлагаем, но буди нам помощник и покровитель во спасение, да сподобимся скончати житие наше в покаянии и восприимем вечная благая во Царствии Христа Бога нашего, и прославим человеколюбие Отца и Сына и Святого Духа, и твое святое заступление, ныне и присно и во веки веков. Аминь.

Память святого преподобного Стилиана Пафлагонского (чадозаступника) Церковь отмечает 26 ноября/ 9 декабря — по новому стилю.

[ad01]

Рубрики: Разное

Добавить комментарий

Ваш адрес email не будет опубликован. Обязательные поля помечены *