Содержание

АКАФИСТ ПРЕСВЯТЕЙ БОГОРОДИЦЕ В ЧЕСТЬ ИКОНЫ ЕЯ «НЕУПИВАЕМАЯ ЧАША»

Кондак 1

Избранное и дивное избавление нам даровася Твой образ честный, Владычице Богородице, яко избавльшеся явлением его от недугов душевных и телесных и скорбных обстояний, благодарственная хваления приносим Ти, Всемилостивая Заступнице. Ты же, Владычице, «Неупиваемою Чашею» нами именуемая, приклонися благоутробно к нашим воздыханием и воплем сердечным и избавление подаждь страждущим недугом пианства, да с верою воззовем Ти:

Радуйся, Владычице, Неупиваемая Чаше, духовную жажду нашу утоляющая.

Икос 1

Ангельстии чини и праведников сонми непрестанно славят Тя, Царицу Богородицу, Ходатаицу о многогрешнем роде христианстем, погрязшем в беззакониих и пребывающем во гресех, ибо во утешение и спасение даруеши ему милость Свою чрез многоименныя чудотворныя иконы Твоя, ихже, яко звезды небесныя, по всей земли нашей зрим; к единому же из сих образов, «Неупиваемая Чаша» именуемому, припадающе, из глубины сердца взываем Ти:

Радуйся, неприступнаго Божества селение; радуйся, непрестанное людей удивление.

Радуйся, скорбьми грехи наша очищающая; радуйся, печальми наша немощи врачующая.

Радуйся, милость Свою чрез чудотворныя иконы Твоя нам свыше посылающая; радуйся, явлением их скорбная сердца наша возвеселяющая.

Радуйся, пречудное всех с Богом примирение; радуйся, геенны вечныя избавление.

Акафист Пресвятой Богородице пред иконой «Неупиваемая Чаша»

Радуйся, Владычице, Неупиваемая Чаше, духовную жажду нашу утоляющая.

Кондак 2

Видящи, Пресвятая Владычице, скорби сердечныя, муки душевныя, искреннее покаяние людей, одержимых губительным пороком пианства, благоволила еси явити богоспасаемому граду Серпухову милость Свою явлением пречуднаго образа Своего «Неупиваемая Чаша», да вси к нему припадающии с верою и сокрушенным сердцем, получивше исцеление от тяжкаго недуга своего, из глубины души вопиют Богу: Аллилуиа.

Икос 2

Разумев трикратное явление преподобнаго Варлаама и повеление его в путь шествовати в богоспасаемый град Серпухов, человек некий, страстию пианства одержимый, обрете тамо в монастыре икону Твою святую, «Неупиваемая Чаша» именуемую. Мы же, видяще таковое о нас, грешных, попечение, с благоговением вопием Ти:

Радуйся, чрез благочестивых людей славу чудес Твоих грешным открывающая; радуйся, Путеводительнице прозорливая, путь спасения им показующая.

Радуйся, всеблагая наша Наставнице, любовию Твоею нас привлекающая; радуйся, за вся благодеяния Твоя благодарению нас научающая.

Радуйся, скорбь нашу в радость претворяющая; радуйся, несомненною надеждою нас увеселяющая.

Радуйся, губительныя страсти наша разрушающая; радуйся, благим намерением способствующая.

Радуйся, Владычице, Неупиваемая Чаше, духовную жажду нашу утоляющая.

Кондак 3

Сила Вышняго и благодать Владычицы укрепляше некоего человека, страждущаго недугом пианства, егда он, нози разслабленеи имуще, иде во град Серпухов, повеление Богоматере, чрез преподобнаго Варлаама реченное, исполняя. Пришед же во град сей, обрете икону Пречистыя Богоматере, абие исцеле от недуга своего душевнаго и телеснаго и из глубины души благодарственно воззва Богу: Аллилуиа.

Икос 3

Имуще источник неоскудеваемый, неупиваемую чашу небесных дарований, не токмо людие града Серпухова, но и вси православнии христианы иных градов и весей, притекающии к Твоему пречудному образу, «Неупиваемая Чаша» именуемому, и пред сим получивше исцеление, припадающе, благодарными усты вопиют Ти:

Радуйся, купеле, в нейже вся скорби наша погружаются; радуйся, чаше, еюже радость спасения нашего восприемлем.

Радуйся, наша немощи душевныя и телесныя врачующая; радуйся, страсти наша силою молитв Твоих укрощающая.

Радуйся, коемуждо, во всякой потребе просящим, полезная дарующая; радуйся, бесчисленныя щедроты всем подающая.

Радуйся, милости сокровище нам открывающая; радуйся, милосердие к падшим являющая.

Радуйся, Владычице, Неупиваемая Чаше, духовную жажду нашу утоляющая.

Кондак 4

Бурю внутрь имуще помышлений сумнительных, но с искренним покаянием притекающе к Твоему неизреченному милосердию, одержимии пианственною страстию получают исцеление и из глубины сердца вопиют рожденному от Тебе Спасителю нашему: Аллилуиа.

Икос 4

Слыша Господь тяжкия скорби, вопли и плач жен, стариц, детей, сродницы коих обуреваеми суть пианственною страстию, дарова им Твою, Владычице, икону, от неяже вси притекающии обретают утешение и радость духовную и вопиют Ти со слезами:

Радуйся, Агнице, рождшая Агнца, вземлющаго грехи мира; радуйся, чаше, черплющая нам радость от источника безсмертия.

Радуйся, скорбных матерей утешение; радуйся, безнадежных Надеждо.

Радуйся, притекающих к Тебе благодатное охранение; радуйся, скорбящих отрадо и увеселение.

Радуйся, волнение страсти пианства утишающая; радуйся, руку помощи Твоея требующим простирающая.

Радуйся, Владычице, Неупиваемая Чаше, духовную жажду нашу утоляющая.

Кондак 5

Яко боготечную звезду, честную икону Твою показала еси нам, Владычице мира, юже зряще и с верою сердечною молящеся Тебе, Богородице, глаголем: исцели пианством и иною болезнию душевною и телесною страждущих, верных же научи воспевати хвалу Богу: Аллилуиа.

Икос 5

Видяще чудеса преславная и знамения пречудная, бываемая не токмо от иконы Твоея, Богомати, во граде Серпухове явленныя, но и от по подобию сея иконы списанных изображений, припадающе к ним, смиренно вопием Ти:

Радуйся, скоропредстательная Помощнице усердно к Тебе притекающих; радуйся, благосердная Услышательнице молений наших.

Радуйся, град Серпухов благословением Твоим осенившая; радуйся, в пределех Московских славу чудес Твоих показавшая.

Радуйся, всем требующим сокровище исцелений неоскудное; радуйся, в трезвении благоподвизающихся всемощная Покровительнице.

Радуйся, ведущим брань противу мира, плоти, диавола и пианства добрая Споспешнице; радуйся, в мире благочестно живущих усердная Заступнице.

Радуйся, Владычице, Неупиваемая Чаше, духовную жажду нашу утоляющая.

Кондак 6

Проповедающе чудеса Твоя, Богородительнице, от иконы Твоея «Неупиваемая Чаша» именуемыя, бываемая, молим Тя, Пречистая, со слезами: избави всех нас от виннаго пристрастия и от падения греховнаго, научи нас воздержанию, подвизающи воспевати Богу: Аллилуиа.

Икос 6

Возсияла еси в светлости Божественныя славы, Дево Богоотроковице, на Младенца, Превечнаго Бога, Господа нашего Иисуса Христа, зрящи. Иже в сосуде, аки в неупиваемой чаше, предстоит, якоже Тя видим изображенную на иконе Твоей, «Неупиваемая Чаша» таинственно пронареченней, от неяже избавление от пианственныя страсти притекающим с верою даруеши, сего ради со слезами приносим Тебе гласы немолчныя сице:

Радуйся, яко о Тебе радуется и торжествует ангельский собор и человеческий род; радуйся, яко Твоя слава превосходит похвалы земныя и небесныя.

Радуйся, таинственным изображением Сына в сосуде Тайну Божественныя Евхаристии нам открывающая; радуйся, рожденнаго Тобою Агнца, всегда ядомаго и никогдаже иждиваемаго, нам дивно указующая.

Радуйся, чаше жизни и безсмертия, ко вратам вечныя жизни нас приводящая; радуйся, источником нетления и радости жаждущия души напояющая.

Радуйся, несчетною благостию не оставляющая самых презренных и отверженных; радуйся, от рова погибели милосердием Твоим исхищающая безнадежных.

Радуйся, Владычице, Неупиваемая Чаше, духовную жажду нашу утоляющая.

Кондак 7

Хотя человек некий возблагодарити Тя, Владычице, за исцеление от недуга пианства, украси Твою пречудную икону, Богомати, во граде Серпухове пребывающую, из глубины сердца воспевая Богу: Аллилуиа.

Икос 7

Новое чудо видим, Владычице, от иконы Твоея святыя: страждущий бо недугом пианства некий раб Божий Стефан, прибегая к Твоему Матернему предстательству, от тяжкаго недуга своего избавися, и, благодаряще Тя, благолепными дары икону Твою украси, и припадающи к ней, со слезами возопи Тебе тако:

Радуйся, Живоносный Источниче исцелений; радуйся, чаше небесная Божественных дарований.

Радуйся, реко исцелений приснотекущая; радуйся, море, вся наша страсти потопляющее.

Радуйся, под тяжестию греха пианства падающих Матернима рукама Твоима возставляющая; радуйся, благодарственныя дары не отвергающая.

Радуйся, сердца благочестивых людей возвеселяющая; радуйся, вся благая прошения наша исполняющая.

Радуйся, Владычице, Неупиваемая Чаше, духовную жажду нашу утоляющая.

Кондак 8

Странно и сумнительно неверующим слышати, како икона Твоя святая «Неупиваемая Чаша» Божественных исцелений источает чудо. Мы же, верующе слову Твоему, Владычице, реченному к первописанней Твоей иконе: «Благодать Рождшагося от Мене и Моя с сею иконою да будет», — веруем, яко и сия икона Твоя благодать Твою источает. Темже, благоговейно поклоняющеся, лобызаем ю, вопиюще Богу: Аллилуиа.

Икос 8

Все упование людие, страждущии недугом пианства, на Тя, Владычице, возлагают. Приклонися к немощем и страстем нашим. Кто бо нас, грешных, изведет от рова погибели и нищеты духовныя и телесныя, аще не Ты, Владычице! Сего ради, приклонше колена пред Твоим пречистым образом, вопием Ти тако:

Радуйся, моления грешников не отвергающая; радуйся, призывающим Тя Свою небесную помощь ниспосылающая.

Радуйся, глубину милосердия Твоего грешным показующая; радуйся, отчаянных и безнадежных ободряющая.

Радуйся, одержимым страстию пианства руку помощи простирающая; радуйся, терпеливых страдальцев благодатными дары утешающая.

Радуйся, недуги наша душевныя и телесныя врачующая; радуйся, суетныя радости мира сего презирати нас научающая.

Радуйся, Владычице, Неупиваемая Чаше, духовную жажду нашу утоляющая.

Кондак 9

Всякое естество ангельское удивися делу Твоего милосердия, Господи, яко даровал еси грешнему роду человеческому твердую Заступницу и Помощницу, к нашим немощем приклоняющуюся и от горькаго недуга пианства свобождающую, верныя же научающую пети Богу: Аллилуиа.

Икос 9

Вития человечестии недоумеют восхвалити по достоянию славное, Владычице, иконы Твоея явление, ниже мы, грешнии, от скверных устен наших возможем принести достойное похваление Заступнице нашей. Обаче неисчетная чудеса, иконою Твоею являемая, видевше, душею и сердцем радующеся, Тебе глаголем:

Радуйся, от священнаго лика Твоего чудеса источающая; радуйся, от бед и скорбей скоро избавляющая.

Радуйся, отвергающих Тя посрамляющая; радуйся, от всякаго зла прибегающих к Тебе сохраняющая.

Радуйся, кротким сиянием Твоим мрак грехов и мглу страстей наших разгоняющая; радуйся, души наша любовию к Тебе и Сыну Твоему исполняющая.

Радуйся, на стезю покаяния нас премудре наставляющая; радуйся, добраго ответа пред Судиею Праведным нам усердная Ходатаице.

Радуйся, Владычице, Неупиваемая Чаше, духовную жажду нашу утоляющая.

Кондак 10

Спасти хотящи люди многия, страждущия недугом пианства, чудную икону Твою, Богомати, даровала еси, да вси одержими сею страстию к чудотворному образу Твоему притекают, и, получивше исцеление, во умилении взывают Богу: Аллилуиа.

Икос 10

Стена еси и щит, Богомати, людем, страждущим недугом пианства, и всем, усердно к Тебе притекающим и икону Твою святую благоговейно чтущим, ибо сию дарова нам благих податель Господь в помощь и врачевание от губительныя страсти, ея же ради внушает нам пети Тебе:

Радуйся, отчаянных Надеждо и печалей наших утоление; радуйся, болезней душевных и телесных исцеление.

Радуйся, нашу скверну чистотою Твоею очищающая; радуйся, Своею благодатию наше недостоинство просвещающая.

Радуйся, брение наше тленное в нетление облекающая; радуйся, моления наша Твоим предстательством подкрепляющая.

Радуйся, в неможении нашем нас утверждающая; радуйся, облегающий нас облак страстей скоро разгоняющая.

Радуйся, Владычице, Неупиваемая Чаше, духовную жажду нашу утоляющая.

Кондак 11

Пение наше смиренное, от полноты любви и усердия Тебе приносимое, не презри, Чистая, и не отврати от отчаявшихся и страждущих недугом пианства лика Своего, но помози им же и нам очиститися от всякия скверны греховныя, да возможем достойно и праведно пети Богу: Аллилуиа.

Икос 11

Светоприемную свещу зрим Тя, Пресвятая Дево, ибо образ Твой святый лучами благодати Твоея мглу греховную прогоняет и на светлую стезю добродетелей наставляет с верою зовущих Ти таковая:

Радуйся, заступлением Твоим от суеты мира сего многомятежнаго нас избавляющая; радуйся, приражения страстей плотских отражати нам помогающая.

Радуйся, мысль благую в сердце наше полагающая; радуйся, нечистую совесть нашу просвещающая.

Радуйся, от мучительнаго недуга пианства страждущих избавляющая; радуйся, к искреннему покаянию и вразумлению призывающая.

Радуйся, души всех озлобленных умягчающая; радуйся, на помощь Тя призывающих и имя Твое славящих спасающая.

Радуйся, Владычице, Неупиваемая Чаше, духовную жажду нашу утоляющая.

Кондак 12

Благодать Божия, присущая иконе Твоей, «Неупиваемая Чаша» именуемой, влечет к ней, Владычице, всех скорбящих, обездоленных, вдов и стариц, наипаче же всех страждущих недугом пианства и не тщетни отходят, Пречистая, от неупиваемыя чаши Твоих Божественных дарований, но, неоскудно получающе цельбы от чудотворнаго образа Твоего, Всеблагая, благодарственно поют Богу: Аллилуиа.

Икос 12

Поюще Твоя чудеса и велию милость, людем, одержимым страстию пианства, явленныя, молим Тя, Владычице, спаси и помилуй, и настави нас на стезю праву, и не остави нас, покрова Твоего ищущих и зовущих Ти:

Радуйся, воздержанию от греха пианства всех подвизающая; радуйся, от пристрастия к вину росою милости Твоея свобождающая.

Радуйся, страждущих от тяжкаго греха пианства присное врачевание; радуйся, бедствующим в страстех скорая Помощнице.

Радуйся, малодушных дивное ободрение; радуйся, благодушных велия радосте.

Радуйся, гордых смиряющая; радуйся, смиренныя возвышающая и всем спасения желающая.

Радуйся, Владычице, Неупиваемая Чаше, духовную жажду нашу утоляющая.

Кондак 13

О Премилостивая Мати Сладчайшаго Господа нашего Иисуса Христа! Нынешнее наше услыши моление и избави нас от всех недугов душевных и телесных, наипаче же свободи страждущих недугом пианства рабов Твоих (имена их), да не во зле погибнут, но да спасеннии Тобою, присно вопиют Богу: Аллилуиа.

Этот кондак читается трижды, затем 1-й икос «Ангельстии чини…» и 1-й кондак «Избранное и дивное избавление…».

Молитва

О, Премилостивая Владычице! К Твоему заступлению ныне прибегаем, молений наших не презри, но милостивно услыши нас, жен, детей и матерей, и исцели тяжким недугом пиянства одержимых и того ради от матери своея, Церкве Христовы, и спасения отпадающих братий и сестер и сродник наших. О Милостивая Мати Божия, коснися сердец их и скоро возстави от падений греховных, ко спасительному воздержанию приведи их. Умоли Сына Своего, Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвении и целомудрии. Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад, сирых и убогих, заблудшими оставленных, и всех нас, к иконе Твоей припадающих. И да приидет сей вопль наш, молитвами Твоими, ко Престолу Всевышняго. Покрый и соблюди нас от лукаваго ловления и всех козней вражиих, в страшный же час исхода нашего помози проити непреткновенно воздушная мытарства молитвами Твоими, избави нас вечнаго осуждения, да покроет нас милость Божия в нескончаемыя веки. Аминь.

Тропарь, глас 4

Днесь притецем, вернии, к Божественному и пречудному образу Пресвятыя Богоматере, напояющия верных сердца неупиваемою чашею Своего милосердия и людем верным чудеса показующия, яже видяще и слышаще, духовно празднуем и тепле вопием: Владычице милосердая, исцели наша недуги и страсти, молящи Сына Твоего, Христа Бога нашего, спасти души наша.

Кондак, глас 6

Бысть чрево Твое святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.

АКАФИСТ ИКОНЕ "НЕУПИВАЕМАЯ ЧАША" ПО СОГЛАШЕНИЮ

Акафист иконе "Неупиваемая чаша" читается в молитве по соглашению "Доброуст" каждую среду в 2:00, 8:00, 14:00, 20:00 по МСК. Причем мы рекомендуем (если ваш близкий страдает недугом алкоголизма) читать не только этот акафист, но еще и акафисты Архангелу Михаилу (по понедельникам), Иоанну Предтече (по вторникам) и иконе "Взыскание погибших" погибших (по пятницам). Посмотрите все РАСПИСАНИЕ.

Много акафистов получается? Ничего, у нас имена подаются бесплатно. И помогает реально и всерьез. Ведь у нас все участники молятся за поданные имена. Это много молитвы.

КАК ВЫМОЛИТЬ РЕШЕНИЕ МОЕЙ СИТУАЦИИ?

Чтобы присоединиться к чтению акафиста иконе "Неупиваемая чаша", вам нужно зарегистрироваться в "Доброусте" (то есть, на сайте, на котором вы сейчас находитесь). Это нужно, чтобы подать имена и чтобы читать акафист (акафист читается с экрана компьютера, или сотового телефона / планшета). За счет того, что чтение идет через интернет, прямо в конце акафиста вставляются записки с поданными именами и все участники молятся за страждущих недугом пианства.

"Доброуст" помогает…

Конечно, чудеса творит не программа, а Господь. Программа (сайт) просто очень хорошо организует процесс молитвы по соглашению, а хорошая организация сама по себе не так уж и мало. Почему люди шли за тридевять земель в известную монашескую обитель просить молитвы? Потому что в данном монашеском месте организовалась хорошая молитва и собрались духовные люди. Точно также работает и "Доброуст" — мы постоянно ищем и собираем русскоговорящих людей со всего света, желающих молиться друг за друга. И молимся.

Мы не только читаем акафисты разным святым в разных нуждах. Очень большое внимание мы уделяем молитве за наших усопших, читая Псалтырь по усопшим по соглашению и неусыпающие молитвенные записки и даже канон Паисию Великому об умерших без покаяния.
Мы молимся о спасении наших близких.

Молитвы перед иконой Божией Матери “Неупиваемая чаша”

Например, если у вас есть пьющий родственник, кроме молитвы о нем на акафисте иконе "Неупиваемая чаша" его можно подать в молитвенные записки с просьбой "Приведи ко спасению" и на Евангелие. Все это вразумит человека.

Узнайте БОЛЬШЕ О "ДОБРОУСТЕ". Это может изменить вашу жизнь и уже менять жизнь десятков людей.

Акафист Неупиваемая чаша — читать и слушать текст онлайн

Акафист по соглашению перед иконой Божией Матери «Неупиваемая Чаша»

Молитвослов: другие произведения.

"Неупиваемая чаша"

Журнал "Самиздат":

  Икона Божией Матери "Неупиваемая чаша"           (имеющей благодать помогать от недуга пьянства, курения и наркомании)      О Премилостивая Владычице!   К Твоему заступлению ныне прибегаем, молений наших не презри,   но милостиво услыши нас: жен, детей, матерей —   и тяжким недугом пианства одержимых   и того ради от матере своея, Церкве Христовы,   и спасения отпадающих братии и сестер и сродник наших исцели.   О Милостивая Мати Божия, коснися сердец их   и скоро возстави от падений греховных,   ко спасительному воздержанию приведи их.   Умоли Сына Своего, Христа Бога нашего,   да простит нам согрешения наша   и не отвратит милости Своей от людей Своих,   но да укрепит нас в трезвении и целомудрии.   Приими, Пресвятая Богородице,   молитвы матерей, о чадех своих слезы проливающих,   жен, о мужех своих рыдающих,   чад, сирых и убогих, заблуждшими оставленных,   и всех нас, к иконе Твоей припадающих.   И да приидет сей вопль наш, молитвами Твоими, ко престолу Всевышняго.   Покрый и соблюди нас от лукаваго ловления и всех козней вражиих,   в страшный же час исхода нашего помози пройти непреткновенно воздушныя мытарства   молитвами Твоими избави нас вечнаго осуждения,   да покроет нас милость Божия в нескончаемыя веки веков.   Аминь.        Советы желающему избавиться от пьянства.      Пробудись от сна невежества и дурмана! Посмотри на себя, что с тобой стало! Как мучаешь ты себя и своих близких, сколько зла привносишь в мир!       Скажи твердо и решительно, без тени сомнения:   ‘Отрекаюсь от тебя — пойло сатаны!   Сочетаюсь с Тобою, Господи Иисусе Христе!   Спаси меня, изнемогаю.   Одолевает коварный и хитрый враг меня.   Придай крепости, твердости и постоянства в моем чистосердечном решении освободиться от пьянства.   Да будет воля Твоя’!  — или то, что подсказывает сердце, своими словами.       Ни в коем случае не откладывай на потом!     Осознав, начинай борьбу с вражеской страстью немедленно и не вступай с сатаной ни в какие переговоры, не иди ни на какие уступки, воплощая лишь одно свое требование: никогда, ни при каких обстоятельствах и ни по какому поводу не пить!      Однако не надейся только лишь на себя, иначе проиграешь. Молись!!!      Контролируй себя, наблюдай за собой постоянно. На это уйдут, возможно, месяцы.   Не давай себе ни малейшего послабления. Мгновенная слабость может вновь вернуть все на прежние позиции.   Не возгордись своим трезвлением, иначе вознесешься, после чего неминуемо упадешь, что и случается нередко с теми, кто посчитал, что все уже позади.

Акафист иконе Божией Матери «Неупиваемая чаша»

      Если же вдруг упал, поднимайся после срыва вновь, как ни в чем не бывало.      Кайся, говори себе: ‘Поделом мне за всю мерзость моих грехов, скудность покаяния, слабость воли, испорченность нрава!’ И вновь начинай сражение с невидимым врагом. Однако обязательно извлеки из случившегося должные выводы и проанализируй свои просчеты.       Беги от пьяных компаний, спаивателей, ‘калымов’, праздно проводящих свое время и тунеядцев как от чумы.      Стерегись блуда, пиршества. Особенно настраивай себя на трезвление в праздники, дни рождения и получки, а также оберегайся других поводов для пьянства. Ты свое уже испил сполна!       Не пей ни за свое, ни за чужое здоровье. От этого ничье здоровье еще не улучшилось, а твое окончательно будет разрушено       Находи и занимайся больше полезным делом. Думай о деле, трудись, созидай. ‘Незанятый ум — мастерская для дьявола!’       Посещай церковные службы в храме, особенно Божественные Литургии, читай Священное Писание, приобщайся Святых Тайн. В этом залог не только победы, но и истинного исцеления души!       Всячески искореняй в себе эгоизм, сластолюбие, гордыню, себеугодие и все дурные свойства характера.       Ищи усердно помощи у Спасителя, и Он непременно спасет тебя, прогонит бесовское полчище, которое вселилось в тебя за твое невоздержание, нерадение о себе, за леность и холодность к молитве, за маловерие и неверие, за удаление от Бога и от Церкви.      Св. Иоанн Кронштадтский.            Желающему бросить пить необходимо в церкви отслужить молебен Иисусу Христу, Божьей Матери, целителю Пантелеймону и мученику Вонифатию с водоосвящением, а освященную воду пить каждое утро натощак. Эта вода должна храниться в банке, закрытой крышкой.        Великомученики целитель Пантелеймон о святой воде в помощь хотящему бросить пить:      Со среды на четверг взять непочатой воды неполную 3-литровую банку, а сверху влить стакан воды с молебна к иконе "Неупиваемая Чаша" (лучше в храме города Серпухов) и пить эту воду. Заканчивается вода в банке — по такой же схеме (Чтобы воды хватило надолго, ее необходимо разводить) готовьте следующую.   А вообще желательно отслужить в церкви не менее 3-х молебнов от пьянства.      Если человеку, который хочет излечиться от пьянства, вдруг захотелось выпить, а воды под рукой нет, необходимо 3 раза повторить: ‘Господи Иисусе Христе, помилуй меня грешного’     Некоторым людям, страдающим от алкоголизма, полезно читать Евангелие — ежедневно по одной главе. Сначала Евангелие от Матфея, потом Евангелие от Марка, затем Евангелие от Луки и, наконец, Евангелие от Иоанна. Если у вас есть свободная минута, читайте молитву ‘Отче наш’ — главную христианскую молитву или ‘Пресвятая Богородице, спаси нас’. Можно читать и ‘Святые все, молите Бога о мне, грешном.     Очень хорошо помогает от недуга пьянства чтение в течение 40 дней перед иконой Божьей Матери акафиста ‘Неупиваемая Чаша’        Об иконе      Явление ее произошло в 1878 году в Тульской губернии. Обезножевшему и обнищавшему от пьянства крестьянину приснилось, что исцелить его может только молебен, совершенный перед иконой "Неупиваемая Чаша", находящейся в серпуховском монастыре. Не имея сил и средств, чтобы добраться до Серпухова, он остался в своем Ефремовском уезде, продолжая страдать. Но вскоре еще дважды приснился ему все тот же сон, в котором преподобный Варлаам настоятельно рекомендовал идти в город Серпухов к иконе Божией Матери "Неупиваемая Чаша". Когда крестьянин с трудом добрался до монастыря и сообщил о своем желании, выяснилось, что никто из служителей о существовании подобной иконы не слышал. Однако вскоре в одном из проходов храма был обнаружен образ с изображенной на нем чашей, а на обратной стороне иконы значилось — "Неупиваемая Чаша".   Помолившись перед явленной иконой, тульский крестьянин исцелился от пьянства и более не возвращался к пагубной страсти.   Изображенная на иконе чаша со стоящим в ней Богомладенцем — неупиваемая (то есть, никогда не заканчивающаяся, неиспиваемая) чаша причащения. Она символизирует бесконечность небесной помощи тем, кто обращается за нею с истинной верой.   Ежевоскресно чудотворной иконе совершается водосвятный молебен с акафистом. По сей день многие приходят в Серпухов, чтобы помолиться Пресвятой Богородице перед явленной чудотворной иконой Ее о спасении тех, кто одержим пагубной страстью.    Чествование находящейся сейчас в Высоцком монастыре в Серпухове иконы "Неупиваемая Чаша" совершается 18 мая.

Связаться с программистом сайта.

Сайт — "Художники" .. || .. Доска об’явлений "Книги"

Канон Пресвятыя Богородицы в честь иконы Ея «Неупиваемая Чаша», глас 4.

Песнь 1

Ирмос:Отверзу уста моя, и наполнятся Духа, и слово отрыгну Царице Матери, и явлюся, светло торжествуя, и воспою, радуяся, Тоя чудеса.

Ангел вопияше Тебе, Дево Чистая: радуйся! Мы же что Ти принесем, благаго Царя благая Мати, яко явила еси нам в сия последняя времена сокровище неоскудное – чудотворную икону Твою на освящение и исцеление душ и телес наших.

Ты буди нам утверждение и в бедах скорое заступление, Царице Небесе и земли, на Тебе надеемся, непрестанно моляще Твою благостыню.

Богатство духовное неиждиваемое даровала еси рабом Твоим, Жизнь рождшая, Пренепорочная Чистая Дево, икону Твою священную, еяже прославление светло празднующе, вернии, избавляемся от всяких бед и скорбных обстояний.

Святая Владычице, Пречистая Бога нашего Мати, всех Творца неизреченно рождшая, моли всегда благость Его страстей нас избавити и оставление грехов нам даровати.

Озари, всепетая Дево, чистшая светлостей солнечных, слепотствующий ум наш разумом истиннаго Боговедения, да не погибнем люте во гресех наших: помыслы благочестия сердца наша просвети, да, спасшеся Тобою, радостно возгласим: слава силе, слава и милосердию Твоему, Господи, Благодетелю всеблагий.

Молим Тя, яже прежде век избранная в Матерь Господа, исцели расслабленныя грехом души наша, оживи росою покаяния сердечнаго и молитвы слезной, укрепи в сердцах рабов Твоих веру истинную и любовь нелицемерную, да сподобимся подвигом добрым подвизатися, веру непорочну соблюсти, житие мирно скончати, хваля Господа: слава долготерпению Твоему, Спасе наш.

Песнь 3

Ирмос:Твоя песнословцы, Богородице, живый и независтный источниче, лик себе совокупльшия, духовно утверди, в Божественней Твоей славе, венцев славы сподоби.

Достойно есть величати Тя, Богородицу, даровавшую пречистый образ Свой в помощь и Божественное заступление святей обители сей от враг видимых и невидимых.

Богоначальным мановением святая икона Твоя, Владычице, от лет древних хранимая, ныне, яко чаша, благодать Твою обильно изливающая, есть достояние обители Твоея, темже благочестно прославляюще Тя, Богородице, достойно величаем.

Не остави нас, Богородице, нечистыми страстьми влаятися, не остави в беззакониях наших погибнути, но молящихся Тебе житие свое исправити научи и Твое милосердие воспети достойно.

Человеков молитвы и Ангелов славословие, Владычице, приемлющи, и моего убогаго не отврати моления, скорбь души моея утоляющи, паче же терпение в скорбех присно мне подающи.

Владычице Пречистая, елика просим днесь от Тебе прияти, сия от чудотворныя Твоея иконы нам подаждь, и немощное наше произволение утверди, и небесных благ желание в сердца наша всели.

Нашему спасению буди, Богородице, ходатаица и наставница, но и телесныя нужды и болезни наша исцели; зане маловерни и нетерпеливи суще, помыслом уныния в бедах наших вдаемся и наипаче терпения дар у Бога просити требуем.

Седален

Яко воистину Божественное украшение Церкви и залог милости Твоея к христоименитым людем икона Твоя, Богородице Дево, показася: всяк бо, с верою к ней приходяй, в недузех исцеление, в скорбех утешение, в бедах вспоможение от Тебе скоро приемлет, всемилостива бо сущи, милости Твоея источник в чудотворнем образе Твоем нам зде являеши, да славим имя Твое преблагословенное во веки.

Песнь 4

Ирмос:Седяй в славе на Престоле Божества во облаце легце, прииде Иисус Пребожественный нетленною дланию и спасе зовущия: слава, Христе, силе Твоей.

Иже в бедах сущии человецы, ведите, яко близ вас избавление верное обретается, аще токмо с верою сие призывати будете, сице глаголюще: о, Владычице, помози и прости нас грешных, о нас милосердовавши.

Вемы, Владычице, вемы, яко веры исполненная молитва Тобою не отщетится; но сицевыя веры лености ради нашея не стяжахом, аще и стяжати возжелехом. Темже и вопием: веруем, Пречистая, помози нашему маловерию.

Широкий путь жития зле возлюбихом, Богородице, к погибели сыны своя влекущий и веру их сокрушающий; но пред святою Твоею иконою предстояще, покаяние о сем приносим и помощи Твоея смиренно просим, во еже на путь спасения обратитися.

Еже ко временному житию потребное вмале полезно есть, но паче сих о сухости сердец наших восплачем, о братие, и исцеления страстей наших просити потщимся, греховное житие свое окаявше и горних даров тепле возжелевше.

Ядом страстей извращена ми душа, и нозе мои по пути спасения ходити не возмогут, аще не Твоим, Пречистая, предстательством благодатную обрящу помощь, во еже на путь правый устремити души моея шествие.

Церковь, в нейже икона Твоя пребывает, Богородице, врачебница недугов телесных и душевных является, веры же учительница и неверия явная обличительница.

Песнь 5

Ирмос:Ужасошася всяческая о Божественней славе Твоей: Ты бо, неискусобрачная Дево, имела еси во утробе над всеми Бога и родила еси безлетнаго Сына, всем воспевающим Тя мир подавающая.

Людей мольбы и славословия, пред чудотворным Твоим образом и на всяком месте возносимыя, благоутробно, Владычице, приими, и, узами Твоея любве души наша пророчески связавши, сия в Небесное привлецы Царство, и тамо Твоему лицу поклонится сподоби.

Благочестно отвсюду, о Богомати, к чудотворней иконе Твоей притекающим и усердно покланяющияся милостей Твоих и щедрот не лишаеши, от бед сия спасаеши, от недуг избавляеши, духи лукавыя от них прогоняеши, утешение же и здравие всем подающи, яко всеблагая.

К Твоей, Дево, прибегаем благости, и очи сердец наших к Тебе, Чистая, возводим: не презри воздыханий наших молитвенных, но буди нам покров и помощница в день судный.

Освящение, здравие и спасение душам и телесем нашим, Мати Божия, от святыя Твоея иконы подаеши, ейже благочестно покланяемся и усты и сердцем благоговейно сию целуем, Твоя чудеса и неисчетную милость к христианскому роду присно славяще.

Известная верных еси помощница и всяких благ подательница, Пречистая Дево, иконою бо Твоею чудотворною неисчетныя милости просящим подаеши и вся спасаеши, иже Тебе верно вопиют от души: помилуй и спаси нас, Владычице.

Мати Божия всеблагая, милосердых щедрот Твоих не лиши нас, обнищавших во гресех, и от челюстей мысленнаго волка исхити души наша, да не погибнем до конца, но приносим присно плоды покаяния Богу.

Песнь 6

Ирмос:Божественное сие и всечестное совершающе празднество, богомудрии, Богоматере, приидите, руками восплещим, от Нея рождшагося Бога славим.

О, преславных чудес Твоих, Владычице, и многаго Твоего к человеком сострадания: единым бо прикосновением к иконе Твоей немощныя врачуеши, и издалече, в сониих и видениих, к ней требующих Твоего заступления призываеши.

Вода освященная и елей от лампады иконы Твоея святыя недуги неисцельныя, Богородице Дево, врачуют и оныя с верою приемлющим во исцеление и спасение бывают; сего ради Тя, Целительницу, ублажаем, и чудеса Твоя, от иконы Твоея явленная и присноявляемая, славим.

Расторгни пленицы наших грехопадений, избави от рова страстнаго жития, и даруй свободу рабом Твоим, Богородице, да скончаем прочее живота нашего в мире и покаянии, уповающе наследити вечную славу.

Зряще на Твою, Богородительнице, икону, молим Тя, яко Матерь Света незаходимаго, отжени от нас мрак страстей Того светлостию, да, просвещшеся, воспоем: слава силе Твоей, Господи.

Ты тихое обуреваемым, Богородице, пристанище, Ты радость печалию погруженным, болящим Ты исцеление и покров всем, к Тебе прибегающим, Владычице, едина Чистая и Благословенная.

Тя, Богоневесто Чистая, недостойнии раби, славим, лобызающе бренными устны образ Твой святый, и Тебе молимся со слезами: спаси нас от лютых грехопадений, да избавимся от вечныя муки.

Кондак, глас 6

Бысть чрево Твое святая Трапеза, имущая Небеснаго Хлеба, Христа Бога нашего, от Негоже всяк ядый не умирает, якоже рече всех, Богородительнице, Питатель.

Икос

Како отверзу бренная уста и воспою Небо одушевленное, Деву Марию, от Неяже нам возсия Солнце мысленное, Христос, просвещаяй всякаго человека? Недоумеет бо ум мой, безгласием язык связуется. Но к чудес виновней Тоя иконе зряще, ангельски воспоем, глаголюще: радуйся, неистощимое сокровище благодати; радуйся, чудес неизследимая пучино. Радуйся, всем верным Божественное услаждение; радуйся, скорбящим всерадостное веселие. Радуйся, обидимым скорое избавление; радуйся, в житейстем мори спасительное окормление. Радуйся, обуреваемым страстьми тихое пристанище; радуйся, оружие, во брани мысленней противныя поражающее.

Икона Божией Матери "Неупиваемая Чаша"

Радуйся, молние, попаляющая диавола; радуйся, врачевство, болезни вся исцеляющее. Радуйся, миро благовонное всему миру; радуйся, горо, вся осененная Божеством. Радуйся, Дево, всех благих виновная верным; радуйся, Невесто Неневестная.

Песнь 7

Ирмос:Не послужиша твари Богомудрии паче Создавшаго, но огненное прещение мужески поправше, радовахуся поюще: препетый отцев Господь и Бог, благословен еси.

Неисповедимое чудес море вемы Тя, Богородице, паче бо ума и слова оными Ты прославилася еси. Тем ныне, яко Матерь Божию, в песнех Тя славим, раби Твои, благодарственно.

Живоносный источниче, Богородице Дево, зноем страстей палимую мою душу напои благодатными струями Сына Твоего, и услади горесть сердца моего зрением святаго образа Твоего.

Непостыдную предстательницу нам дарова, икону Матери Своея, иже Ея зряще, веселимся и умильно зовем: помози, Владычице, всем, и от всех злых спаси, и Царствию Небесному сподоби.

Тобою вси спасаемся и от нахождений диавольских свобождаемся. Тя Бог показа нам заступницу и Твою честную икону нам дарова, Ейже вопием: Владычице, помози, и от всех злых человек спаси, и Царствию Небесному сподоби.

Не умолчим, Владычице, чудеса Твоя, яко Своею честною иконою всех спасаеши и страждущих от бед избавляеши, недужным цельбы подаеши, и нас от всех злых спаси и Царствию Небесному сподоби.

Пение от недостойных раб приими, Мати Христа Бога, и не отрини мене от Своего пречистаго лица, но спаси от злых всех и Царствию Небесному сподоби.

Песнь 8

Ирмос:Отроки благочестивыя в пещи Рождество Богородичо спасло есть, тогда убо образуемое, ныне же действуемое, вселенную всю воздвизает пети Тебе: Господа пойте, дела, и превозносите Его во вся веки.

Приидите, вси вернии, воспоем Пречистую Деву Марию и честному Ея образу поклонимся, вопиюще от сердца: радуйся, Гавриилово благовещение; радуйся, Царя Христа восприимши и на руку Своею держа, яко солнце. Того моли, Чистая, от злых спасти душу мою.

Божественныя Твоея иконы святое явление, яко солнце, возсия в сердцах, луча всечестная просвещает светом Своим всех, вопиющих Ей: радуйся, благая наша предстательнице и скорая помощнице, славословящих Тя, Пречистая, помилуй нас.

Правоверно чтущи Тя, Царицу всех Бога, и Твоей чудней иконе святей любезно покланяюся, вопиющи: о, Божия Мати, спаси от клеветы злых человек и избави мя, славословящаго Тя, и помилуй.

Божественней Твоей иконе покланяемся, Богородице Дево, просяще от Тебе великия милости, юже даруй рабом Своим, едина Чистая, и от всякия злобы избави, и славословящих Тя, Пречистую, помилуй.

Взираю на Божественный образ Твой, и чту Владычню Божию Матерь, и взираю на подобия пречистаго Ея лица зрак, покланяюся и вопию: Дево Богородице, чтущих Тя, Многопетую, во веки сохрани.

Приими песнь исходную, Мати Живаго Бога, и спаси всех, верно покланяющихся святей Твоей и чудотворней иконе и вопиющих Тебе, Богородительнице: молися, Пречистая, Сыну Своему, помиловатися от всех злых.

Песнь 9

Ирмос:Всяк земнородный да взыграется, Духом просвещаемь, да торжествует же безплотных умов естество, почитающее священное торжество Богоматере, и да вопиет: радуйся, всеблаженная Богородице, Чистая Приснодево.

Богородице Пречистая, аще и многогрешни суть людие, в Твой святый храм притекающии, но якоже Сын Твой спасения ради грешник от небес к нам пришел есть, тако и Ты от небесных кругов на моления наша призри и прошений людей Твоих не презри, Всепетая.

Да утверждается Православная вера умножением исцелений от Твоея чудотворныя иконы, о Владычице, бываемых, да прославляется в людех Твое предстательство, паче же над страстьми победою увенчай наша зде возносимыя Тебе молитвы.

Твоей чудотворней иконе, Пречистая, покланяяся и сию благоговейно лобызая, о своих же грехопадениих ужасаяся, сице реку: аще подобает мне их ради скорби приимати, терпения дар молитвою Твоею мне низпосли.

Отечество наше, Владычице, паче всех стран земли чудотворными иконами Твоими просветила еси, яже, аки звезды небесныя, нощь земнаго жития нашего освещают и по пути правому ходити нас научают.

Множеству людей, семо притекающему, многая дарования от чудотворныя иконы Божия Матере подаются, от нихже лучшее есть, еже в чувство покаяния приити и на деяния благая устремитися. В сем убо помощь Твою яви мне, Пречистая.

Помощи Богородицы Пречистыя, о братие, мнози свидетелие зде обретаются, нашему же нерадению обличителие, темже чудотворней иконе Владычицы предстояще, к покаянию теплому устремим душ наших шествие.

Рубрики: Разное

Добавить комментарий

Ваш e-mail не будет опубликован. Обязательные поля помечены *