АКАФИСТ СВЯТОЙ БЛАЖЕННОЙ КСЕНИИ ПЕТЕРБУРГСКОЙ

Кондак 1

Избранная угоднице Христова, святая блаженная Ксение, хвалебное пение ти приносим, чтуще терпение твое и злострадние вольное; ты же, имущи дерзновение ко Господу, во всяких бедах и напастех заступай нас, грешных, взывающих к тебе:

Радуйся, Ксение блаженная, молитвеннице о душах наших.

Икос 1

Равноангельски на земли пожила еси, блаженная мати, по успении мужа твоего, без приуготовления христианскаго внезапу скончавшагося, отвергла еси жизнь мирскую, молящи Бога супруга твоего душу помиловати, подвиг юродства на себе приявши, стяжала еси совершенство духовное. Того ради услыши от нас похвалы сия, тебе возносимыя:

Радуйся, Христова угодница, в мире надмирно пожившая; радуйся вся прилоги мира, плоти и диавола победившая.

Радуйся, нищету вольную на всю жизнь избравшая; радуйся, сокровище на Небеси имети возжелавшая.

Радуйся, житием твоим Андрею, Христа ради юродивому, равная; радуйся, от всех людей православных любимая и славимая.

Радуйся, о часе смертнем помнити нас призывающая; радуйся, ближняго душу паче мира сего любити нас научающая.

Радуйся, Ксение блаженная, молитвеннице о душах наших.

Кондак 2

Видяще странное житие твое, блаженная, яко во цвете младости твоея во одежду мужа твоего усопшаго облеклася еси, именем его нареклася еси, себе умершую быти глаголющи, дом же твой и вся благая земная оставивши, скиталицу себе сотворила еси, сродницы твои безумную тя быти мняху, людие же боголюбивии воспеша: Аллилуиа.

Икос 2

Разум, от Бога ти дарованный, в безумии мнимом сокрыла еси, блаженная Ксение; в суете же града великаго, аки пустынница, пребывала еси, молитвы своя к Богу возносящи непрестанно. Мы же, дивящеся житию твоему, воспеваем ти сице:

Радуйся, крест тяжкий юродства, от Бога ти данный, на рамо свое приявшая; радуйся, мнимым безумием сияние благодати сокрывшая.

Радуйся, именем мужеским нарекшися, немощи женския отрешившаяся; радуйся, печали и скорби кротце терпевшая.

Радуйся, все имение твое бедным людем раздавшая; радуйся, жилище Духу Святому в сердце твоем уготовившая.

Радуйся, всем прибегающим к тебе благое утешение; радуйся, от смерти внезапныя избавление.

Радуйся, Ксение блаженная, молитвеннице о душах наших.

Кондак 3

Силою, свыше ти дарованною, благодатию и мужеством, зной и стужу лютую претерпевала еси, всенощно молящися и поклоны творящи; темже и прославлена бысть святость твоя, блаженная Ксение, во Отечестве нашем многострадальнем и во всем мире православием, да зовем с тобою Богу: Аллилуиа.

Икос 3

Имела еси, о мати блаженная, небо покров и землю ложе сво,; о теле, во одежду ветхую облеченнем, небрегла еси, молитвы же к Богу пламенне возносила еси, сего ради воспеваем ти сице:

Радуйся, век твой земный без крова проведшая; радуйся, Небеснаго крова взыскавшая и того улучившая.

Радуйся, по вся дни нощию в поли молившаяся; радуйся, поклоны земныя на вся страны света тамо творившая.

Радуйся, град Петров всенощным бдением от бед ограждавшая; радуйся, гнев Божий от него многажды отвращавшая.

Радуйся, благодатию Духа Святаго чудесно согреваемая; радуйся, хлад лютый душ наших молитвою твоею растаявающая.

Радуйся, Ксение блаженная, молитвеннице о душах наших.

Кондак 4

Бурю житейскую, во граде Петрове мятущуюся, кротостию и незлобием препобеждала еси, мати блаженная, безстрастие же посреде мира суетнаго стяжала еси и тако, Духом Святым просвещаемая, взывала еси Подателю тишины сердечныя Богу: Аллилуиа.

Икос 4

Слышаша людие дар прозрения чудный, тобою явленный, святая мати, и удивишася. Се, жене некоей рекла еси: возми пятак, зде царь на коне, потухнет. Та же не ведающи, яко ты запаление дома ея прозрела еси, притече во своя си и узри дом свой во огни горящ, и абие по молитве твоей пламень огня угасе. Мнози же страждущии к помощи твоей прибегаху, юже стяжавше, тако взываша ти:

Радуйся, дар прозрения смирением крайним стяжавшая; радуйся, дар сей на пользу и спасение страждущим являвшая.

Радуйся, свеще негасимая, к Богу в молитвах горевшая; радуйся, верою твоею пламенною запаление домов угашавшая.

Радуйся, грядущия скорби людския, аки настоящия, зревшая; радуйся, врач безмездный и милосердый людем бывшая.

Радуйся, яко и нас, немощных в вере, укрепляеши; радуйся, яко сиянием святости твоея люди православныя озаряеши.

Радуйся, Ксение блаженная, молитвеннице о душах наших.

Кондак 5

Боготечная звезда явися святость твоя на тверди града Петрова, угоднице Божия, зарею своею сердца просвещающая: уже бо людем, в безумии греха погибающим, путь спасения указала еси, к покаянию их наставляющи, воеже вопити Богу: Аллилуиа.

Икос 5

Видяще подвиги твоя молитвенныя, терпение хлада и зноя великое, людие ослабити желаху злострадания твоя; ты же одежду и вся, ими приносимая, нищим раздавала еси, нищету свою, аки сокровище, хранящи. Сего ради слышиши от нас сицевая:

Радуйся, богатство твое токмо в любви к Богу и ближним полагавшая; радуйся, ничтоже земное имевшая и всех духовно богатившая.

Радуйся, милостивым твоим сердцем страждущим сострадавшая; радуйся, помощь им чрез добрых людей посылавшая.

Радуйся, чуждая миру, в мире живущим благо творившая; радуйся, века сего суемудрия отвергатися научившая.

Радуйся, плакати с плачущими нас подвигающая; радуйся, от тяжкаго сна греховнаго пробуждающая.

Радуйся, Ксение блаженная, молитвеннице о душах наших.

Кондак 6

Проповедана бысть святость жития твоего, блаженная, жителем града твоего, егда ты, о младенце, еще не рождшемся, пекущися, жене добрей, в доме, тобою дарованном, жившей, рекла еси: Бог тебе сына посла, теки на кладбище Смоленское. Тая же, со тщанием притекши, сироту, рожденна материю, внезапу на пути пострадавшею и скончавшеюся, в дом свой прияла есть; вся же лета жития своего, тебе благодаряще, сия семья благодатная Богу Человеколюбцу взываше: Аллилуиа.

Икос 6

Возсияла есть слава подвигов твоих, блаженная мати Ксение, егда нощию на верх храма Смоленскаго камение, таящися, носила еси, дому Пречистей возградитися пособствующи. Ныне же вси молящиися во святем храме сем и во всем мире Божием, взирающе на образ твой, воспевают ти таковая:

Радуйся, тайно творити добро научающая; радуйся, к подвигом благочестия всех призывающая.

Радуйся, строителем храмов Божиих помогающая; радуйся, святыню церковную возлюбившая.

Радуйся, в делех благих усердное поспешение; радуйся, трудов наших на пути спасения облегчение.

Радуйся, под кровом Божия Матере подвиги творившая и тако почившая; радуйся, с Нею ныне на Небесех о нас Христа молящая.

Радуйся, Ксение блаженная, молитвеннице о душах наших.

Кондак 7

Хотяще судьбы людския во благая устроити, повелела еси деве кротцей на Охту тещи, прорекши, яко «муж твой тамо жену погребает». Та же, аще и недоумевашеся, обаче не ослушася глагола твоего, и тамо вдовца млада, над гробом жены рыдавшаго, сретила есть и утешение в молитве ему подаде. Лету же минувшу, она венчастася, и тако многая лета в любви и согласии поживше, чад своих наставляху тебе, святая мати, чтити, Богу же воспевати песнь: Аллилуиа.

Икос 7

Новое чудо показала еси, блаженная, посреде скверны людския душу твою, юродством сокрытую, в кротости ангельстей соблюдши. Научи и нас, мати Ксение, и малыя доли скорбей твоих не терпящих и в ропоте на Бога и ближняго дни наши иждивающих, вся свыше посылаемая в терпении сносити, да взирающе на подвиги твоя, чистым сердцем зовем ти сице:

Радуйся, миру злохладному благодатную мудрость явившая; радуйся, нищеты духовныя блаженство вкусившая.

Радуйся, образ терпения и благосердия нам подающая; радуйся, смирением и покаянием от бед избавлятися научающая.

Радуйся, с молитвою и любовию детей благословлявшая; радуйся, прикосновением руку твоею чудесно их исцелявшая.

Радуйся, уныние тяжкое, душу сокрушающее, от нас отводящая; радуйся, надеждою несумненною на милость Божию окриляющая.

Радуйся, Ксение блаженная, молитвеннице о душах наших.

Кондак 8

Странница бездомная протекла еси путь скорбный жития твоего в стольнем граде Отечества нашего, мати блаженная, взыскующи града вышняго, Иерусалима Небеснаго; ныне же в нем со Ангелы и всеми святыми поеши Богу: Аллилуиа.

Икос 8

Вся в молитвах ко Творцу пребывающи, мати святая, до успения твоего, от страданий и подвигов к жизни блаженей и вечней невозбранно прешла еси. Сего ради, преклоняюще колена сердец наших, благоговейное пение ти приносим:

Радуйся, во обителех горних с лики святых ликующая; радуйся, и нас, тебе молящихся, тамо не забывающая.

Радуйся, чудеса неисчетная по успении твоем явившая; радуйся, смертно болящих, врачми оставленных, исцелявшая.

Радуйся, в пиянстве гибнущих устрашение и исправление; радуйся, места служения лишившимся благое поспешение.

Радуйся, вдовиц и жен, супругом оставленных, покровительнице; радуйся, странников и безприютных питательнице.

Радуйся, Ксение блаженная, молитвеннице о душах наших.

Кондак 9

Всякия утоли болезни, блаженая мати Ксение, на тя надеющихся и к помощи твоей усердно притекающих: якоже поминавших прежде душу твою ради души своея спасения, по завету твоему, тако и ныне помяни всех, прославляющих тя, Богу же, в тебе дивно прославленному, вопиющих непрестанно: Аллилуиа.

Икос 9

Вития суемудренныя разумети не могут, како ты безумием своим безумие мира сего обличила еси и немощию своею сильныя и крепкия посрамила еси: не ведают бо в тебе силы и премудрости Божия. Мы же, тя почитающе, с любовию зовем ти сице:

Радуйся, Божественнаго Духа селение; радуйся, велие к Богу дерзновение.

Радуйся, у усыпальницы твоея молящимся являющаяся и им помогающая; радуйся, землею и елеем от нея многия освятившая и от недуг исцелившая.

Радуйся, яко одержимых страстьми от гибели спасаеши; радуйся, яко отвергатися себе нас научаеши.

Радуйся, любве и смирения путь во спасение нам указующая; радуйся, во храме Божием с нами незримо пребывающая.

Радуйся, Ксение блаженная, молитвеннице о душах наших.

Кондак 10

Спасти люди хотящи, блаженная мати Ксение, присно даруеши им заступление твое чудное. Се деву благочестивую с вдовицею материю ея, в канун венчания у гробницы твоея усердно молившуюся, от брака спасла еси со злодеем, иже ратнаго человека уби, имя же и чин его себе присвои. В день тойже убийца оный внезапу обличен бысть и, ужасом объят, исповеда пред всеми, яко сила Божия сироту от брака с ним избави, мы же, дивящеся силе молитв твоих, нас спасающих, воспеваем Богу: Аллилуиа.

Икос 10

Стена еси нерушимая, преблаженная мати, и дом православных. Не остави и ныне супруги разлученныя, помози родителем, за грехи своя о чадех слезы проливающим, научи юноши и девы в чистоте себе хранити и всех нас святыню уз семейных почитати, да единеми усты воспеваем ти тако:

Радуйся, дев благочестивых от брака невернаго избавляющая; радуйся, спутника жизни добраго им обрести помогающая.

Радуйся, сродник враждующих благое примирение; радуйся, слез детских осушение.

Радуйся, от убиения младенцев во чреве женам грозное прещение; радуйся, на камени любве и веры домов устроение.

Радуйся, супругов, смертию разлученных, утешение; радуйся, в жизни безсмертней вечное их соединение.

Радуйся, Ксение блаженная, молитвеннице о душах наших.

Кондак 11

Пение благодарственное приносят ти, мати блаженная, людие православнии, от бед и болезней молитвами твоими избавленнии; и ныне, аще попустит нам Всеправедный Господь скорби грех наших ради, со слезами к тебе припадем, уповающе на милостивое твое о нас к Богу предстательство, да воспоем Ему: Аллилуиа.

Икос 11

Светозарная луча во мраце жития сего, путь ко Свету Неприступному освещающая, явилася еси, богомудрая Ксение, чудес множеством просиявши.

Акафист блаженной Ксении Петербургской

В лютую же годину гонений безбожных вернии от часовни твоея не отступиша, но, презревше и страх смертный, с верою и упованием к тебе притекаху, сердцем воспевающе сице:

Радуйся, безнадежных надеяние; радуйся, в бездне отчаяния погибающих спасение.

Радуйся, униженных и гонимых покровительнице; радуйся, от клеветы и суда неправеднаго защитнице.

Радуйся, обидимых и обездоленных утешение; радуйся, обидящих грозное вразумление.

Радуйся, града святаго Петра заступнице; радуйся, чадом земли Российския мати и питательнице.

Радуйся, Ксение блаженная, молитвеннице о душах наших.

Кондак 12

Благодать утешений обильно изливаеши, блаженная Ксение, всем чтущим память твою и к заступлению твоему притекающим. Темже и мы, грешнии, на тя по Бозе надежду нашу возлагаем и молимся тебе усердно: не остави нас во обстояниих скорбных, умоли Господа сил, да не отпадем от веры православныя, в нейже тобою утверждаеми, зовем Ему верно: Аллилуиа.

Икос 12

Поюще многая твоя чудеса, блаженная мати Ксение, восхваляем тя, яко теплую нашу заступницу и скорую предстательницу. Улучающе же от тебе помощь благодатную, неустанно воспеваем ти сице:

Радуйся, светом кротости твоея вся концы земли озарившая; радуйся, житием твоим постническим гордыню диавольскую посрамившая.

Радуйся, дому царскому поможение и благословение; радуйся, мира Божия в сердца верных насаждение.

Радуйся, о спасении Отечества нашего присно молящаяся; радуйся во Отечество Небесное нам путь указующая.

Радуйся, по Богородице в скорбех и печалех наше утешение; радуйся, по Бозе грехов наших прощение и вечное спасение.

Радуйся, Ксение блаженная, молитвеннице о душах наших.

Кондак 13

О святая блаженная мати Ксение, в житии твоем крест тяжкий понесшая. Приими от нас, грешных, моление сие, тебе приносимое, огради нас молитвами твоими от наветов духов тьмы, от бед и напстей, умоли Всещедраго Бога подати нам силу и крепость, да вземше крест свой, вослед Христу грядем, поюще Ему с тобою вовеки: Аллилуиа.

Этот кондак читается трижды, затем 1-й икос «Равноангельски на земли …» и 1-й кондак «Избранная угодница …».

Молитва

О святая всеблаженная мати Ксение! Под кровом Всвышняго жившая, ведомая и укрепляемая Богоматерию, глад и жажду, хлад и зной, поношения и гонения претерпевшая, дар прозорливости и чудотворения от Бога прияла еси и под сению Всемогущаго покоишися. Ныне Святая Церковь, яко благоуханный цвет, прославляет тя. Предстояще на месте погребения твоего, пред образом твоим святым, яко живей ти, сущей с нами, мопимся тебе: приими прошения наша и принеси их ко Престолу милосердаго Отца Небеснаго, яко дерзновение к Нему имущая. Испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святаго крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие низпосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, люди и страну нашу в мире и безмятежии сохрани, о лишенных в предсмертный час причащения Святых Христовых Таин умоли. Ты наша надежда и упование, скорое услышание и избавление, тебе благодарение возсылаем и с тобою славим Отца, и Сына, и Святаго Духа, ныне и присно, и во веки веков. Аминь.

Тропарь, глас 7

Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси, сего ради дар чудодейственныя помощи стяжившая, Ксение блаженная, моли Христа Бога избавится нам от всякаго зла покаянием.

Ин тропарь, глас 8

Тебе, о страннице, яви нам Христос Господь молитвенницу теплую за род наш, в житии бо твоем страдания и скорби восприявши, Богу же и человеком любовию послуживши, дерзновение велие стяжала еси.

Темже к тебе в напастех и скорбех усердно прибегаем, из глубины сердец наших взывающе: упования нашего не посрами, Ксение блаженная.

Ин тропарь, глас 4

Суеты земнаго мира отвергшися, крест жития бездомнаго во странничестве прияла еси, скорбей, лишений, людскаго осмеяния не убоялася еси, любовь же Христову познала еси, еюже ныне на Небеси услаждаешися, Ксение блаженная Богомудрая, молися о спасении душ наших.

Кондак, глас 3

На земли яко странна пребывши, о Небеснем же Отечествии воздыхающи, юрода от буиих и неверных, премудра же и свята от верных познаваешися, и от Бога славою и честию венчаешися, Ксение мужеумная и Богоумная, сего ради зовем ти: радуйся, яко по странствии земнем в дому Отчем водворяешися.

Главная —> Православные молитвы —> Молитвы к блаженной Ксении Петербургской

Молитвы к блаженной Ксении Петербургской.

Молитва первая

О святая всеблаженная мати Ксение! Под покровом Всевышняго жившая, ведомая и укрепляемая Богоматерью, голод и жажду, холод и зной, поношения и гонения претерпевшая, дар прозорливости и чудотворения от Бога получила еси и под сенью Всемогущего покоишися.

Акафист Ксении Петербургской

Ныне святая Церковь, яко благоуханный цвет, прославляет тя. Предстояще на месте твоего погребения, пред образом твоим святым, яко живей ти, сущей с нами, молимся ти: приими прошения наша и принеси их ко престолу милосерднаго Отца Небеснаго, яко дерзновение к Нему имущая, испроси притекающим к тебе вечное спасение, на благая дела и начинания наша щедрое благословение, от всяких бед и скорбей избавление. Предстани святыми твоими молитвами пред Всемилостивым Спасителем нашим о нас, недостойных и грешных. Помози, святая блаженная мати Ксение, младенцы светом святого крещения озарити и печатию дара Духа Святаго запечатлети, отроки и отроковицы в вере, честности, богобоязненности воспитати и успехи в учении им даровати; болящия и недугующия исцели, семейным любовь и согласие ниспосли, монашествующих подвигом добрым подвизатися удостой и от поношений огради, пастыри в крепости Духа Святаго утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты наша надежда и упование, скорое услышание и избавление, тебе благодарение воссылаем и с тобою славим Отца и Сына и Святаго Духа, ныне и присно, и во веки веков. Аминь.

Молитва вторая

О препростая образом жития своего, бездомная на земли, наследнице же обителей Отца Небеснаго, блаженная страннице Ксение! Якоже прежде к надгробию твоему недужнии и скорбнии припадавшии и абие утешениями исполняемии, сице ныне и мы (имена), обуреваемии тлетворными обстоянии, тебе прибегающе, с надеждою просим: помолися, благая небошественнице, дабы исправилися стопы наша по словеси Господню к деланию заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертное братоненавидение, гордое самовозбешение и хульное отчаяние. О, блаженнейшая Христа ради, посрамившая суемудрость века сего, испроси у Творца и Подателя всяческих благ даровати нам смирения, кротости и любве в сокровище сердца нашего, веры в укрепление молитвы, надежды в покаянии, крепости в многотрудном житии, милосерднаго исцеления души и тела нашего, целомудрия в супружестве и благопопечения о ближних и искренних своих, всего жития нашего обновление в чистительней бане покаяния, яко да всехвально воспевающе память твою, прославим в тебе чудодействующаго, Отца и Сына и Святаго Духа, Троицу Единосущную и Нераздельную во веки веков. Аминь.

Молитва третья

О преславная святая блаженная мати наша Ксение, теплая о нас пред Богом молитвеннице! Якоже прежде к надгробию твоему припадавшии, сице ныне и мы по прославлении твоем к мощем твоим прибегающе, просим: помолися Господу, да освятит наши души и телеса, да просветит ум, очистит совесть от всякия скверны, нечистых помыслов, лукавых и хульных умышлений и от всякаго превозношения, гордости же и кичения, высокоумия же и дерзости, от всякаго фарисейскаго лицемерия, и от всякаго студнаго и лукаваго обычия нашего; да дарует нам искреннее покаяние, сокрушение сердец наших, смиренномудрие, кротость же и тихость, благоговение, разум же духовный со всяким благоразумием и благодарением. Утаившая себе от мудрых века сего, но Богу знаемая, испроси же стране нашей Российстей от бед лютых избавление, всего нашего жития обновление и исправление, соблюди нас во всяком благочестивом православном исповедании веры христианския, яко да ублажающе тя сподобимся во вся дни воспевати, благодарити и славити Отца и Сына и Святаго Духа, Троицу Единосущную, Животворящую и Нераздельную во веки веков. Аминь.

Молитва четвертая

О святая угодница Божия блаженная Ксения! Призри милостиво твоим оком на нас, раб Божиих (имена), честной твоей иконе умильно молящиеся и просящие у тебе помощи и заступления. Простри ко Господу Богу нашему теплыя твоя молитвы и испроси душам нашим оставление прегрешений. Се бо мы сердцем сокрушенным, и духом смиренным тебе ходатаицу милостивую ко Владыце и молитвенницу за ны, грешныя, призываем, яко ты прияла еси от Него благодать молитися за ны и от бед избавляти. Тебе убо просим, не презри нас недостойных, молящихся тебе и твоей помощи требующих, и исходатайствуй всем вся ко спасению полезная, яко да твоими ко Господу Богу молитвами получивши благодать и милость прославим всех благих Источника и Дароподателя и Бога Единаго, в Троице Святей славимаго. Отца и Сына и Святаго Духа, ныне и присно и во веки веков.

Тропарь к святой блаженной Ксении Петербургской

Тропарь, глас 7

Нищету Христову возлюбивши, безсмертныя трапезы ныне наслаждаешися, безумием мнимым безумие мира обличивши, смирением крестным силу Божию восприяла еси. Сего ради дар чудодейственныя помощи стяжавшая, Ксение блаженная, моли Христа Бога избавитися нам от всякаго зла покаянием.

Кондак, глас 3

Днесь светло ликует град святаго Петра, яко множество скорбящих обретает утешение, на твоя молитвы надеющеся, Ксение всеблаженная, ты бо еси граду сему похвало и утверждение.

Величание

Величаем тя, святая блаженная мати наша Ксение, и чтим святую память твою, ты бо молиши за ны Христа Бога нашего.

Акафист святой блаженной Ксении Петербургской
Икона Блаженной Ксении Петербургской

« предыдущая молитва::следующая молитва »

Все молитвы …

Святая блаженная Ксения Петербургская

Кондак 1

Избранная угоднице и Христа ради юродивая, святая блаженная мати Ксение, избравшая подвиг терпения и злострадания, хвалебное пение приносим ти, чтущия святую память твою. Ты же заступи нас от враг видимых и невидимых, да зовем ти: Радуйся, Ксение блаженная, молитвеннице о душах наших.

Икос 1

Равноангельского жития взыскала еси, блаженная мати, по успении мужа твоего отвергла еси мира сего красоту и вся, яже в нем: похоть очес, похоть плоти и гордость житейскую; юродством разум Христов стяжала еси. Того ради услыши от нас похвалы, тебе возносимые:

Радуйся, житием твоим Андрею, Христа ради юродивому, равная;

Радуйся, имени своего отрекшаяся, себя же умершей именовавшая.

Радуйся, в юродстве имя мужа твоего Андрея принявшая;

Радуйся, именем мужеским назвавшись, немощи женской отрешившаяся.

Радуйся, все имение твое добрым людям и нищим раздавшая;

Радуйся, нищету добровольную Христа ради приявшая.

Радуйся, века сего суемудрия юродством твоим отвергатися нас научившая;

Радуйся, благая утешительнице всех в молитве к тебе прибегающих.

Радуйся, Ксение блаженная, молитвеннице о душах наших.

Кондак 2

Видя странное твое житие, яко ты презрела еси дом свой и всякое мирское богатство, родные по плоти безумной тя полагаху, люди же града Петрова, видя смирение твое, нестяжание и вольную нищету, воспели Богу: Аллилуиа.

Икос 2

Разум от Бога тебе данный ты, Ксение блаженная, в мнимом безумии скрыла еси; в суете града великого, аки пустынница, жила еси, молитвы Богу свои вознося непрестанно. Мы же, дивяшеся таковому житию твоему, взываем тебе хвалебно:

Радуйся, крест тяжкий юродства, от Бога тебе данный, на рама своя принявшая;

Радуйся, мнимым безумием сияние благодати скрывавшая.

Радуйся, дар прозорливости смирением крайним и подвигом молитвы стяжавшая;

Радуйся, дар сей на пользу и спасение страждущих являвшая.

Радуйся, страдания людския прозорливо в дали необозримей зревшая;

Радуйся, жене доброй о рождении сына прорекшая.

Радуйся, яко жене той у Бога чадо испросившая;

Радуйся, всех к Богу в молитве прибегати научившая.

Радуйся, Ксение блаженная, молитвеннице о душах наших.

Кондак 3

Силою свыше, от Бога тебе дарованной, зной и люту стужу мужественно претерпевала еси, распиная плоть свою со страстьми и похотьми. Тем же Духом Святым просвещаемая, взывала непрестанно Богу: Аллилуиа.

Икос 3

Имея, о блаженная, небо покровом себе, землю же ложем своим, отвергла еси плотоугодие Царства Божия ради. Мы же, зряще таковое твое житие, со умилением зовем ти:

Радуйся, жилище свое земное людям отдавшая;

Радуйся, небесного крова взыскавшая и получившая.

Радуйся, ничто же земное имущая, а всех духовно богатящая;

Радуйся, житием своим терпению нас научающая.

Радуйся, любовь Божию людям показующая;

Радуйся, плодами благочестия украшенная.

Радуйся, терпение и незлобие миру явившая;

Радуйся, теплая предстательница наша пред Престолом Всевышнего.

Радуйся, Ксение блаженная, молитвеннице о душах наших.

Кондак 4

Бурю житейскую, во граде Петрове мятущуюся, кротостию и незлобием преодолела еси, блаженная мати, бесстрастие же к тленному миру стяжала еси. Тем же и поеши Богу: Аллилуиа.

Икос 4

Слыша о тебе, яко ты, злостражда Христа ради, скорбных утешаеши, немощных укрепляеши, заблудших на путь правый наставляеши, людие страждущия к помощи твоей прибегаху, воспевающе тебе:

Радуйся, путь Христов всем сердцем возлюбившая;

Радуйся, Крест Христов радостно понесшая.

Радуйся, всякое поношение от мира, плоти и диавола претерпевшая;

Радуйся, даров Божиих преисполненная.

Радуйся, любовь к ближним явившая;

Радуйся, страждущим людям утешение подававшая.

Радуйся, слезу плачущих отиравшая;

Радуйся, благодатию Духа Святого чудесно согреваемая.

Радуйся, Ксение блаженная, молитвеннице о душах наших.

Кондак 5

Боготечной звездой явилася святость твоя, Ксение блаженная, осветившая небосклон града Петрова. Уже бо людем, гибнущим в безумии греха, ты явила путь спасения, всех к покаянию призывая, во еже вопити Богу: Аллилуиа.

Икос 5

Видя подвиги твоя в молитве, терпении хлада и зноя, благочестивыя людие пытахуся умалити страдания твоя, одежду тебе и пишу приносяще. Ты же вся сия нищим раздавала еси, желая подвиг свой сохранити. Мы же, дивяся вольней нищете твоей, взываем ти сице:

Радуйся, зной и стужу Христа ради добровольно терпевшая;

Радуйся, в молитве непрестанно пребывавшая.

Радуйся, град Петров всенощным бдением от бед ограждавшая;

Радуйся, гнев Божий многажды от него отвращавшая.

Радуйся, во все дни года ночами в поле молившаяся;

Радуйся, сладость райскую в нищете духовной вкусившая.

Радуйся, яко в сладости сей вся земная оставившая;

Радуйся, яко вся в Боге пребывавшая.

Радуйся, Ксение блаженная, молитвеннице о душах наших.

Кондак 6

Проповедуют святость жития твоего, богоблаженная, вси, избавлении тобой от многоразличных болезней, бед и скорбей, богатии и убозии, старцы и юныя. Тем же и мы, прославляюще тя, Богу вопием: Аллилуиа.

Икос 6

Воссияла слава подвигов твоих, блаженная мати, егда ты нощию строителем церкви Смоленския камни тайно носила еси, облегчая труды делателей церковных. Сия ведуще, и мы, грешнии, зовем ти таковая:

Радуйся, тайно творити добродетели нас научающая;

Радуйся, к подвигам благочестия всех призывающая.

Радуйся, строителям храмов Божиих помогающая;

Радуйся, святость церковную возлюбившая.

Радуйся, труды наши на пути спасения облегчающая;

Радуйся, к тебе прибегающих скорая помощнице.

Радуйся, всем скорбящим благая утешительнице;

Радуйся, града Петрова небесная заступнице.

Радуйся, Ксение блаженная, молитвеннице о душах наших.

Кондак 7

Хотя избавите от скорби плачущаго врача, жену хоронившего, ты повелела некоей девице на Охту бежати и тамо мужа себе обрести и утешити. И совершишася тако, яко же ты рекла еси. Они же в радости воспеша Богу: Аллилуиа.

Икос 7

Новое чудо в молитве своей показала еси ты, блаженная мати, егда рекла еси жене благочестивой: «Возьми пятак, потухнет». Сим прорекла ей о пожаре дома ея. И по молитве твоей пламень огня угасе. Мы же, ведяще сия, вопием ти похвальная:

Радуйся, скорби людские угашающая;

Радуйся, дерзновение пред Богом за страждущих явившая.

Радуйся, свеча неугасимая, в молитвах к Богу ярко горящая;

Радуйся, предстательнице наша в бедах и напастях.

Радуйся, страстьми одержимых от гибели спасающая;

Радуйся, благочестивых дев от брака неверного отвращающая.

Радуйся, клеветою уязвленных от отчаяния избавляющая;

Радуйся, на суде неправедном скорая защитнице.

Радуйся, Ксение блаженная, молитвеннице о душах наших.

Кондак 8

Странницей бездомной прошла еси путь жизни твоей в стольном граде отечества нашего, в велицем терпении скорби и поношения неся. Ныне же в горнем Иерусалиме пребывая, в радости поеши Богу: Аллилуиа.

Икос 8

Всем вся была еси, Ксение блаженная: скорбящим утешение, немощным покров и защищение, печальным радование, нищим одеяние, болящим исцеление. Сего ради и вопием тебе:

Радуйся, в горних обителях пребывающая;

Радуйся, о нас, грешных, тамо молящаяся.

Радуйся, благий образ служения Богу явившая;

Радуйся, униженных и гонимых покровительнице.

Радуйся, православный люд молитвами твоими заступающая;

Радуйся, обидимых и молящихся защищающая.

Радуйся, обидящих вразумляющая;

Радуйся, неверных и глумителей посрамляющая.

Радуйся, Ксение блаженная, молитвеннице о душах наших.

Кондак 9

Всякия претерпела еси болезни, блаженная мати: нищету телесную, глад и жажду, еще же и поношение от людей беззаконных, иже мняху тя безумной быти. Ты же, Господу моляся, выну взывала Ему: Аллилуиа.

Икос 9

Вития многовещанныя не могут разумети, како ты безумием своим безумие мира сего обличила еси и немощию своею посрамила еси крепкия и мудрыя.

Акафист и молитвы блаженной Ксении Петербургской

Не ведают бо в тебе Божией силы и Божией премудрости. Мы же, помощь твою получившии, поем ти таковая:

Радуйся, Божественного Духа носительнице;

Радуйся, со апостолом Павлом немощию своею хвалившаяся.

Радуйся, мнимым безумием своим мир обличившая;

Радуйся, красоту века сего спасения ради отвергшая.

Радуйся, небесная блага всем сердцем возлюбившая;

Радуйся, на путь спасения нас призывающая.

Радуйся, во грехе пьянства грозная обличительнице;

Радуйся, безмездным врачом и милостивым всем бывшая.

Радуйся, Ксение блаженная, молитвеннице о душах наших.

Кондак 10

Хотя спасти душу, ты плоть свою со страстьми и похотьми распяла еси и, невозвратно себя отвергши, крест свой на рама своя возложила еси и Христу всем сердцем последовала еси, поя Ему: Аллилуиа.

Икос 10

Стена еси твердая и прибежище необоримое явилась молящимся тебе, мати Ксение. Темже заступай и нас от враг видимых и невидимых молитвами твоими, да зовем ти:

Радуйся, на труд духовный нас воздвигающая;

Радуйся, от сетей вражиих нас избавляющая.

Радуйся, фимиам кадильный, Богу приносимый;

Радуйся, мир Божий в сердца людей приносящая.

Радуйся, дух злобы в сердцах озлобленных угашающая;

Радуйся, детям благим благословение подающая.

Радуйся, тайною молитвою их от болезней исцеляющая;

Радуйся, миру озлобленному мудрость Божию явившая.

Радуйся, Ксение блаженная, молитвеннице о душах наших.

Кондак 11

Пение хвалебное приносят ти, Ксение блаженная, спасшиеся твоими молитвами от бед и скорбей, и всяких напастей, и купно с тобою радостно поют Богу: Аллилуиа.

Икос 11

Светозарным светом явилось житие твое, святая мати, во мраке жития сего освещающим люди. Ты бо падших из тины греха избавила еси и к свету Христову направила еси путь их. Тем же и зовем ти:

Радуйся, православных людей Божиим светом просвещающая;

Радуйся, Христова угоднице, в мире надмирно пожившая.

Радуйся, труды многими великую благодать стяжавшая;

Радуйся, во тьме греха благодатию Божиею сиявшая.

Радуйся, отчаявшимся на пути спасения руку помощи подающая;

Радуйся, немощных в вере укрепляющая.

Радуйся, духов злобы посрамляющая;

Радуйся, житием своим Ангелов удивившая.

Радуйся, Ксение блаженная, молитвеннице о душах наших.

Кондак 12

Благодать обильно источаеши, Ксение блаженная, на чтущих память твою и прибегающих к покрову твоему. Тем же и нам, тебе молящимся, источи от Бога струи исцеления, да зовем Ему: Аллилуиа.

Икос 12

Поюще многая чудеса твоя, блаженная маги, восхваляем тя и всеусердно молим: не остави нас грешных в скорбных обстояниях, но умоли Господа сил, да не отпадем от веры нашея православныя, в Нем же тобою утверждаеми зовем ти:

Радуйся, сострадати страждущим нас научающая;

Радуйся, немощи наша всеусердно врачующая.

Радуйся, распинати плоть со страстьми и похотьми научающая;

Радуйся, о чтущих память твою ходатаице и покровительнице.

Радуйся, скорбный путь прошедшая;

Радуйся, спасение вечное сим улучившая.

Радуйся, ко гробу твоему притекающим отраду подающая;

Радуйся, о спасении Отечества нашего присно ходатайствующая.

Радуйся, Ксение блаженная, молитвеннице о душах наших.

Кондак 13

О, святая блаженная мати Ксение, в житии твоем крест тяжкий понесшая. Приими от нас, грешных, моление сие к тебе приносимое. Огради нас молитвами твоими от наветов духов тьмы и всех мыслящих нам злая. Умоли всещедраго Бога подати нам силу и крепость, да кийждо от нас возьмет крест свой и вослед Христу грядет, поя Ему с тобою: Аллилуиа.

Сей кондак читается трижды, затем икос 1 и кондак 1.

Тропарь, глас 4

Нищету Христову возлюбив, / ты небесною трапе́зой ныне наслаждаешься; / безумием мнимым безумие мiра обличив, / смирением крестным силу Божию ты приняла́. / Потому дар чудодейственной помощи стяжавшая, / Ксения блаженная, моли Христа Бога / да избавит нас от всякого зла покаянием.

КАНОН, ГЛАС 8

Песнь 1

Ирмос: По воде пройдя, как по суше, / и египетского развращения избежав, / израильтянин взывал: / «Избавителю и Богу нашему воспоем!»

Припев: Святая блаженная матерь Ксения, моли Бога о нас.

Водою крещения омывшись, / от первородного греха избавилась ты, матерь Ксения; / и наши сердца́ слезами покаяния очисти, / просвещение подавая почитающим святую память твою.

В воде крещения змия лукавого потопившая, / житием твоим страдальческим вражью силу умертвила ты, блаженная; / от нее и нам избавиться / Спасителя умоли.

Слава: Воду живую неистощимых даров / по́дал тебе Христос, блаженная матерь, / – Тот, Чью нищету / ты добровольно возлюбила.

И ныне: Во́ды покаяния подай мне, Пречистая, / и, очистив меня от греховной нечистоты, / чистым представь, Божия Родительница, / Сыну Твоему и Богу.

Песнь 3

Ирмос: Небесного свода Создатель, Господи, / и Церкви Строитель, / Ты меня утверди в любви к Тебе, / предел желаний, верных утверждение, / единый Человеколюбец.

Припев: Святая блаженная матерь Ксения, моли Бога о нас.

Небесного свода Создателю / всю жизнь свою отдав, / ты Его возлюбила до конца; / сподо́би и нас молитвами твоими, блаженная, / любить Господа до конца дней наших.

Небесной жизни желая, / на земном пути твоем ты всем тленным пренебрегла; / сподо́би и нас, матерь Ксения, молитвами твоими / небесных обителей достигнуть.

Акафист святой блаженной Ксении Петербургской (текст)

Слава: Чертога небесного достичь желая, / странническую жизнь ты провела, / и ныне со всеми святыми / в небесных селениях ликуешь.

И ныне: Небесного Творца родив, Богородица Всехвальная, / Ты небес пространнейшей явилась. / Нас же, от пространного пути погибельного отклонив, / на небесный путь направь, молимся.

Господи, помилуй, трижды.

Седален, глас 5

Как странница во граде святого Петра ты явилась, / благоволением Божиим укрепляемая, матерь премудрая, / Божественных даров и чудес удостоившись. / Потому, имея дерзновение ко Христу Богу, / мир испроси душам нашим и великую милость.

Слава, и ныне, Богородичен: Матерь Пречистая, Град Божий! / Избавь людей Твоих от бед / и помощь подай сопротивляться врагам гордым, / да взываем Тебе: / «Радуйся, Благословенная!»

Песнь 4

Ирмос: Услышал я, Господи, / о таинстве Твоего промысла, / уразумел дела Твои, / и прославил Твоё Божество.

Припев: Святая блаженная матерь Ксения, моли Бога о нас.

Услышав, что небеса провозглашают славу Божию, / отвергла ты, Ксения мирскую суету / и в подвиге поста и лишений на земле / Бога славить возжелала; / Ему служить и нас сподо́би.

Услышав и уразумев дела Господни, / ты прославила Его Божество, блаженная / надеждою и любовью к Нему украсив душу твою, / и подвигами благочестия просветилась, / Божиею силою укрепляемая.

Слава: Услышав врагов угрозы / и всякие козни от них терпя, ты непоколебимой пребыла́; / утверди и нас в добродетелях непоколебимыми.

И ныне: Услышь, Пречистая Владычица, наши моления, / и избавь нас от насилия вражеского, / и глас Христов, призывающий благословенных в Царство, / услышать сподо́би.

Песнь 5

Ирмос: Просвети нас повелениями Твоими, Господи, / и рукою Твоею вознесенною / Твой мир подай нам, Человеколюбец.

Припев: Святая блаженная матерь Ксения, моли Бога о нас.

Просвещались верные люди, / видя доброту́ и кротость твою, матерь Ксения; / помоги и нам, блаженная, / подражать твоему незлобию.

Просветив стезю жизни твоей / светом Богопознания, / Христа Господа ты возлюбила от всей души; / сподо́би и нас, блаженная Ксения, / в том быть тебе подражателями.

Слава: Просвети нас, о матерь Ксения, / надеждой и любовью ко Господу, / ибо ныне ты светом неизреченным наслаждаешься, / видя Христа лицом к лицу. / Ему за нас молись.

И ныне: Просветила Ты омраченное естество / Свет Истинный родив, Богородица; / потому и нас светом просветив, / от мрачных врагов освободи.

Песнь 6

Ирмос: Я пролью молитву к Господу / и Ему возвещу печали мои, / ибо зол душа моя преисполнилась / и жизнь моя ко аду приблизилась, / и молюсь я, как Иона: / «От погибели, Боже, изведи меня!»

Припев: Святая блаженная матерь Ксения, моли Бога о нас.

Молитву, как вечно текущий источник, / изливаешь ты ныне, недужных исцеляя, / крепость и силу страждущим подавая; / сподоби и нас молитвами твоими / избавиться от всяких лютых бед.

Молитвою на небесах и по кончине твоей / ты от недугов освобождаешь, целительница безмездная, / достойно восхваляемая на земле; / молись о душах наших.

Слава: Молитву нашу прими, матерь Ксения, / дабы мы в священный храм твой пришли с усердием / и от недугов душевных и страстей телесных / исцеление скоро получили.

И ныне: Молитвою Твоею всесильною, Пречистая, / избавь нас от врагов видимых и невидимых, / от грехов и всякой му́ки, / как родившая Человеколюбца Бога.

Господи, помилуй, трижды. Слава, и ныне:

Кондак, глас 3

В сей день блистательно ликует град святого Петра, / ибо множество скорбящих обретают утешение, / на твои молитвы надеясь, / Ксения всеблаженная, / ибо ты граду сему похвала и утверждение.

Икос: Как смогу я, грешный, скверный душою и телом, / поведать о равном Ангельскому житии твоем во плоти и преславных чудесах, / если и многие премудрые не дерзают рассказать / о великом твоем терпении, и смирении, и горячей ко Христу любви? / Но все же, надеясь на твое заступничество, о блаженная, взываю тебе: / Радуйся, ибо ты везде призывающих тебя скоро посещаешь; / радуйся, ибо множество скорбящих обретают тобою утешение; / радуйся, святая блаженная матерь Ксения, / граду сему похвала и утверждение.

Песнь 7

Ирмос: Отроки Еврейские в печи / попрали пламя дерзновенно, / и огонь превратили в росу, взывая: / «Благословен Ты, Господи Боже, вовеки!»

Припев: Святая блаженная матерь Ксения, моли Бога о нас.

Отроков еврейских Ангел / от огня невредимыми сохранил, / и тебя, Ксения, в странническом житии укрепил, поющую: / «Благословен Ты, Господи Боже, вовеки!»

Детям евангельски подражала ты в житии твоем, / путем узким жизнь пройдя в незлобии; / потому на подвиг этой добродетели / укрепи и нас, поющих: / «Благословен Ты, Господи Боже, вовеки!»

Слава: Отрокам в печи халдейской подражая, Ксения, / воспевала ты Христа, давшего тебе крепость; / потому и мы, почитая тебя, блаженная, / с дерзновением взываем: / «Благословен Ты, Господи Боже, вовеки!»

И ныне: Отроковица Дева! / Простри на нас милость Сына Твоего, / дабы мы от тьмы внешней избавились мольбами Твоими и пели: / «Благословен Ты, Господи Боже, вовеки!»

Песнь 8

Ирмос: Победителями мучителя и пламени / благодатию Твоею став, / усердно заповедям Твоим приверженные, / отроки возглашали: / «Благословляйте, все творения Господни, Господа!»

Припев: Святая блаженная матерь Ксения, моли Бога о нас.

Победительницей страстей явилась ты, Ксения, / страшные искушения вражеские побеждая / и непрестанно воспевая: / «Благословляйте, все творения Господни, Господа!»

Побеждая всякие страсти греховные, / ты, блаженная, явилась как светлая звезда: / ибо приводишь женщин, впавших во грехи / к жизни целомудренной, да в покаянии воспевают: / «Благословляйте, все творения Господни, Господа!»

Слава: Победительницей греха явилась ты, блаженная матерь, / благодать Всевышнего имея. / Потому достигла обителей небесных, / где ныне со Ангелами воспеваешь: / «Благословляйте, все творения Господни, Господа!»

И ныне: Победам верных в борьбе духовной / Ты способствуешь, Пресвятая Дева; / потому и людям града нашего / помощь Твою ниспошли, / дабы нам воспевать Тебе всегда: / «Благословляйте, все творения Господни, Господа!»

Песнь 9

Ирмос: Царя небесного, / Которого воспевают воинства Ангелов, / воспевайте и превозносите / во все века.

Припев: Святая блаженная матерь Ксения, моли Бога о нас.

Воистину разум Христов имела ты, Ксения, / смирение, кротость, веру чуждую сомнений, / надежду и любовь к Богу; / и нас сподо́би, дабы мы с тобою / Христа непрестанно величали.

Воистину на тебе, Ксения блаженная, / исполнилось Христово изречение: «Претерпевший до конца спасется»; / ибо ныне ты со всеми спасенными / Христа непрестанно величаешь.

Слава: Воистину никто из прибегающих к тебе, блаженная матерь, / без благодати Божией отходит; / ею и нас исполни, / дабы мы тебя величали.

И ныне: Тебя, Дева и Матерь Слова, / истинную Богородицу, / Солнце Правды нам явившую, / и хода́тайствующую за нас, / мы, верные, единомысленно песнопениями величаем.

Светилен

Как солнце светоносное, / воссияла ныне, блаженная матерь, память твоя, / веселящая всех верных; / и они молитвенно взывают тебе: / «Молись усердно о спасении нашем!»

Слава, и ныне, Богородичен: Могущественным Твоим покро́вом, Пречистая, / нас, рабов Твоих, от наветов вражеских сохраняй невредимыми всегда, / ибо в Тебе одной мы стяжали / надежду и утверждение.

Молитва первая святой блаженной Ксении Петербургской

О святая всеблаженная матерь Ксения! Под покровом Всевышнего жившая, ведо́мая и укрепляемая Богоматерью, голод и жажду, холод и зной, поношения и гонения претерпевшая, дар прозорли́вости и чудотворения от Бога ты получила и под сенью Всемогущего покоишься. Ныне святая Церковь, как благоуханный цвет, прославляет тебя. Предстоя на месте твоего погребения, пред образом твоим святым, как будто ты живая пребываешь с нами, молимся тебе: прими прошения наши и принеси их к престолу милосердного Отца Небесного, как имеющая дерзновение пред Ним; испроси прибегающим к тебе вечное спасение, на добрые дела и начинания наши щедрое благословение, от всяких бед и скорбей избавление. Предстань со святыми твоими молитвами пред Всемилостивым Спасителем нашим за нас, недостойных и грешных. Помоги, святая блаженная матерь Ксения, младенцев светом святого крещения озарить и печатью дара Духа Святого запечатлеть, отроков и отроковиц в вере, честности, богобоязненности воспитать и успехи в учении им даровать; болящих и немощных исцели, семейным любовь и согласие ниспошли, монашествующих подвигом добрым подвизаться удостой и от поношений огради, пастырей в крепости Духа Святого утверди, народ и страну нашу в мире и безмятежии сохрани, о лишенных в предсмертный час причащения Святых Христовых Тайн умоли. Ты – наша надежда и упование, скорое услышание и избавление, тебе благодарение воссылаем и с тобою славим Отца и Сына и Святого Духа, ныне и всегда, и во веки веков. Аминь.

Молитва вторая

О препроста́я образом жития своего, бездомная на земле, но наследница обителей Отца Небесного, блаженная странница Ксения! Как прежде к надгробию твоему недужные и скорбные припадали и тотчас утешениями исполнялись, так ныне и мы (имена), обуреваемые губительными бедами, к тебе прибегая, с надеждою просим: помолись, благая небоше́ственница, чтобы стопы́ наши направились по слову Господа к исполнению заповедей Его, и да упразднится богоборное безбожие, пленившее град твой и страну твою, повергающее нас, многогрешных, в смертельную ненависть к братьям своим, гордое и безумное самолюбие и богохульное отчаяние. О, блаженнейшая Христа ради, посрамившая суемудрие века сего, испроси у Творца и Подателя всяческих благ даровать нам смирения, кротости и любви в сокровищницу сердца нашего, веры к укреплению молитвы, надежды в покаянии, крепости в многотрудном житии, милосердного исцеления душ и тел наших, целомудрия в супружестве и доброго попечения о родных и близких своих, обновления всей жизни нашей в очистительной купели покаяния, дабы всеми хвалами воспевая память твою, мы прославили в тебе чудодействующего – Отца и Сына и Святого Духа, Троицу Единосущную и Нераздельную во веки веков. Аминь.

Молитва третья

О преславная святая блаженная матерь наша Ксения, горячая о нас пред Богом молитвенница! Как прежде к надгробию твоему припадавшие, так ныне и мы по прославлении твоем к мощам твоим прибегая, просим: помолись Господу, да освятит Он наши души и тела, да просветит ум, очистит совесть от всякой скверны, нечистых помышлений, лукавых и хульных замыслов и от всякого превозношения, гордости и кичливости, высокоумия и дерзости, от всякого фарисейского лицемерия, и от всякого постыдного и лукавого обычая нашего; да дарует нам искреннее покаяние, сокрушение сердец наших, смиренномудрие, кротость и спокойствие, благоговение, разум духовный со всякой рассудительностью и благодарением. Утаившая себя от мудрых века сего, но Богу известная! Испроси стране нашей Российской от бед тяжких избавление, всей нашей жизни обновление и исправление, соблюди нас во всяком благочестивом православном исповедании веры христианской, чтобы мы, прославляя тебя сподо́бились во все дни воспевать, благодарить и славить Отца и Сына и Святого Духа, Троицу Единосущную, Животворящую и Нераздельную во веки веков. Аминь.

Молитва четвертая

О святая угодница Божия, блаженная Ксения! Воззри милостиво твоим оком на нас, рабов Божиих (имена), пред священной твоей иконой со умилением молящихся и просящих у тебе помощи и заступления. Простри ко Господу Богу нашему горячие твои молитвы и испроси душам нашим отпущение согрешений. Ибо вот, мы с сердцем сокрушенным и духом смиренным тебя, хода́таицу милостивую ко Владыке и молитвенницу за нас, грешных, призываем, ведь ты приняла от Него благодать молиться за нас и от бед избавлять. Просим же тебя: не пре́зри нас, недостойных, молящихся тебе и в твоей помощи нуждающихся, и испроси всем всё, ко спасению полезное, чтобы твоими ко Господу Богу молитвами получив благодать и милость, мы прославили Источник всех благ и даров Подателя, – Бога Единого, в Троице Святой славимого Отца и Сына и Святого Духа, ныне и всегда и во веки веков.

Рубрики: Разное

Добавить комментарий

Ваш e-mail не будет опубликован. Обязательные поля помечены *